धाराशिव – सोनारी (ता. परंडा) येथील दिलीप राजकुमार शहा (वय 56) यांची तब्बल 2,06,500 रुपयांची ऑनलाइन फसवणूक झाल्याची घटना समोर आली आहे. दिलीप शहा यांनी दिलेल्या तक्रारीनुसार, ‘Aarush Stock A20’ या व्हॉट्सअ‍ॅप ग्रुपचा अ‍ॅडमिन आणि Aishwarya Shetty या नावाने ओळखल्या जाणाऱ्या व्यक्तीने त्यांना Block Trade आणि IPOच्या नावाखाली गुंतवणुकीसाठी आकर्षित केले.
संदर्भित आरोपींनी दिलीप शहा यांना टप्प्याटप्प्याने पैसे भरण्याचे सांगून फसवणूक केली. शहा यांनी 3 ऑगस्ट 2024 ते 25 सप्टेंबर 2024 या कालावधीत पैसे भरले. परंतु, त्यानंतर त्यांना आपली फसवणूक झाल्याचे लक्षात आले.
या प्रकरणी दिलीप शहा यांनी 30 सप्टेंबर 2024 रोजी सायबर पोलीस ठाण्यात तक्रार नोंदवली. त्यांच्या तक्रारीवरून भा.न्या.सं. कलम 318(1) सह 66(सी) 66(डी) माहिती तंत्रज्ञान अधिनियम सुधाराणा 2008अन्वये गुन्हा नोंदवण्यात आला आहे.सध्या सायबर पोलीस या प्रकरणाचा तपास करीत असून संबंधित आरोपींचा शोध सुरू आहे.
