भूम : येथील उपविभागीय अधिकारी कार्यालयाच्या आवारात मद्यधुंद अवस्थेत सार्वजनिक ठिकाणी गोंधळ घालून आरडाओरड करणे एका व्यक्तीला चांगलेच महागात पडले आहे. याप्रकरणी भूम पोलिसांनी त्या व्यक्तीवर गुन्हा दाखल केला आहे. ही घटना गुरुवारी, दि. १६ ऑक्टोबर रोजी दुपारी पावणेचार वाजण्याच्या सुमारास घडली.
सुनिल रंगनाथ अडागळे (वय ४०, रा. कुसुम नगर, भूम) असे गुन्हा दाखल झालेल्या व्यक्तीचे नाव आहे.
पोलिसांनी दिलेल्या माहितीनुसार, आरोपी सुनिल अडागळे हा गुरुवारी दुपारी भूम येथील उपविभागीय अधिकारी कार्यालयाच्या परिसरात दारूच्या नशेत होता. यावेळी त्याने सार्वजनिक ठिकाणी मोठ्याने आरडाओरड करत गोंधळ घातला. यामुळे तेथील शांततेचा भंग होत होता.
याप्रकरणी पोलिसांनी स्वतः सरकारतर्फे फिर्याद देऊन आरोपी सुनिल अडागळे याच्या विरोधात महाराष्ट्र दारूबंदी कायद्याच्या कलम ८५(१) अन्वये भूम पोलीस ठाण्यात गुन्हा नोंदवला आहे. पुढील तपास पोलीस करत आहेत.
