धाराशिव जिल्ह्यात दोन अपघातात दोन ठार

शिराढोण : मयत नामे- महादेव आश्रुबा भालेकर, वय 58 वर्षे रा. भाटशिरपुरा ता. कळंब जि. धाराशिव हे दि.25.01.2024 रोजी 18.40 वा. सु. नैतिक पेट्रोलपंपाचे समोरुन भाटशिरपुरा शिवारातुन शेतातुन पायी घरी जात होते. दरम्यान अज्ञात वाहन चालकाने त्याचे ताब्यातील वाहन हे हायगई व निष्काळजीपणे चालवून महादेव भालेकर यांना धडक दिली. या अपघातात महादेव भालेकर हे गंभीर जखमी होवून उपचार दरम्यान मयत झाले. अशा मजकुराच्या फिर्यादी नामे- अजित महादेव भालेकर, वय 31 वर्षे, रा. भाटशिरपुरा ता. कंळब जि. धाराशिव यांनी दि.17.02.2024 रोजी दिलेल्या प्रथम खबरेवरुन भा.दं.वि.सं. कलम-279, 337, 338, 304(अ) सह मोवाका कलम 134 अ, ब अन्वये गुन्हा नोंदवला आहे.

धाराशिव : आरोपी मयत नामे- अक्षय राहुल सोनवणे, वय 30 वर्षे रा. तुळजापूर नाका धाराशिव ता. जि. धाराशिव हे दि.15.01.2024 रोजी 17.00 ते 17.30 वा. सु. देवळालीचे अलीकडे रसवंती गृहाचे समोर डांबरी रोडवर मोटरसायकल क्र एमएच 25 एवाय 9466 ही वरुन जात होते. दरम्यान आरोपी नामे अक्षय सोनवणे यांनी त्याचे ताब्यातील मोटरसायकल ही हायगई व निष्काळजीपणे चालवून मोटरसायकल स्लीप होवून अपघात झाला. या अपघातात अक्षय सोनवणे हे गंभीर जखमी होवून उपचार दरम्यान मयत झाले. अशा मजकुराच्या फिर्यादी नामे- अभिजीत राहुल सोनवणे, वय 29 वर्षे, रा. पापनाश नगर तुळजापूर नाका धाराशिव ता. जि. धाराशिव यांनी दि.17.02.2024 रोजी दिलेल्या प्रथम खबरेवरुन भा.दं.वि.सं. कलम-279, 304(अ) अन्वये गुन्हा नोंदवला आहे.