तुळजापूर : तुळजापूर शहरातील वेताळनगर परिसरातून १३ वर्षीय मुलाचे अज्ञात व्यक्तीने अपहरण केल्याची घटना समोर आली आहे. याप्रकरणी तुळजापूर पोलीस ठाण्यात अज्ञात व्यक्तीविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, श्रीकृष्ण दिगंबर पैकेकरी (वय १३, रा. वेताळनगर, तुळजापूर) हा ३१ ऑक्टोबर २०२६ रोजी सकाळी सुमारे ७.३० वाजता वेताळनगर येथून बेपत्ता झाला.
अज्ञात व्यक्तीने अज्ञात कारणासाठी त्याचे गुप्तपणे व बेकायदेशीररीत्या अपहरण करून नेल्याचा आरोप फिर्यादीत करण्यात आला आहे.
श्रीकृष्णचे वडील दिगंबर केरबा पैकेकरी (वय ५४) यांनी २ नोव्हेंबर रोजी तुळजापूर पोलीस ठाण्यात फिर्याद दिली. त्यावरून पोलिसांनी अज्ञात व्यक्तीविरुद्ध भारतीय न्याय संहिता कलम १३७(२) अन्वये गुन्हा दाखल केला आहे.
या प्रकरणाचा पुढील तपास तुळजापूर पोलीस करीत असून, अपहृत मुलाचा शोध घेण्यासाठी पोलिसांकडून तपास सुरू आहे.
