परंडा तालुक्यात ट्रॅक्टर नेण्याच्या कारणावरून झालेल्या वादात एका महिलेसह तिच्या सासू-सासऱ्यांना मारहाण करण्यात आल्याची घटना घडली आहे. याप्रकरणी पोलिसांनी चार जणांविरुद्ध गुन्हा दाखल केला आहे.
पोलिसांनी दिलेल्या माहितीनुसार, माधुरी समाधान ढोरे (वय 27) यांना 14 सप्टेंबर 2024 रोजी सकाळी नऊ वाजता शिराळा शिवारातील त्यांच्या शेतात ट्रॅक्टर नेण्याच्या कारणावरून राजेंद्र ढोरे, विलास ढोरे, वृंदावनी ढोरे आणि बाळासाहेब ढोरे या चौघांनी शिवीगाळ करून मारहाण केली. या मारहाणीत माधुरी ढोरे यांना काठी आणि लोखंडी गजाने मारण्यात आल्याने त्या जखमी झाल्या. या घटनेत माधुरी यांचे सासू-सासरे मध्यस्थी करण्यासाठी पुढे आले असता त्यांनाही आरोपींनी शिवीगाळ करून मारहाण केली आणि जिवे मारण्याची धमकी दिली.
याप्रकरणी माधुरी ढोरे यांनी दिलेल्या वैद्यकीय जबाबावरून परंडा पोलीस ठाण्यात भारतीय न्याय संहितेच्या कलम 118(1), 115(2), 352, 351(2)(3), 3(5) अन्वये गुन्हा दाखल करण्यात आला आहे. पोलिस या प्रकरणाचा पुढील तपास करत आहेत.
