तुळजापूर पोलीस निरीक्षकांवर गंभीर आरोप

तुळजापूर: तुळजापूर पोलीस स्टेशनचे पोलीस निरीक्षक रविंद्र खांडेकर यांच्यावर गंभीर आरोप करण्यात आले आहेत. राजाभाऊ दिगंबर माने यांनी मुख्यमंत्री, पोलीस महासंचालक, विशेष पोलीस महानिरीक्षक आणि जिल्हा पोलीस अधीक्षक यांना दिलेल्या तक्रार अर्जात खांडेकर हे अवैध धंद्यांना परवानगी देत असल्याचा आणि गुन्हेगारांसोबत दारू पार्टी करत असल्याचा आरोप केला आहे.

माने यांच्या म्हणण्यानुसार, तुळजापूर हे एक पवित्र तीर्थक्षेत्र असून लाखो भाविक येथे दर्शनासाठी येतात. पोलीस निरीक्षक खांडेकर यांच्याकडे कायदा व सुव्यवस्था अबाधित ठेवण्याची जबाबदारी असताना ते पैशाच्या लालसेपोटी तुळजापूर शहरात सर्व प्रकारचे अवैध धंदे चालू ठेवण्यास परवानगी देत आहेत.

गुन्हेगारांना पाठीशी घालण्याचा आरोप:

माने यांनी तक्रार अर्जात म्हटले आहे की, खांडेकर हे देशी बनावटीचे पिस्तूल व तलवारी बाळगणाऱ्या आणि विक्री करणाऱ्या आरोपींना पाठीशी घालत आहेत. गुन्हा रजिस्टर क्रमांक २३२/२०२३ मध्ये आरोपी ओमकार कांबळे व जमीर सय्यद यांच्याकडून दोन तलवारी आणि देशी बनावटीचे पिस्तूल जप्त करण्यात आले होते. हे आरोपी ज्या वेरना कार (MH२५ AL०७०७) मध्ये प्रवास करत होते ती कार खांडेकर यांनी त्यांच्या अधिकारात वापरून पुन्हा सोडून दिल्याचा आरोप आहे. याच आरोपी जमीर सय्यद सोबत खांडेकर यांनी दारू पार्टी केल्याचा दावाही माने यांनी केला आहे.

आरोपीसोबत रील

तक्रार अर्ज दाबण्याचा प्रयत्न:

या प्रकरणी माने यांनी पोलीस अधिक्षक कार्यालयात तक्रार अर्ज दाखल केला होता, परंतु तो दाबण्यात आल्याचा आरोप आहे. खांडेकर यांनी आरोपीकडून मोठ्या प्रमाणात लाच घेतल्यामुळे त्यांच्या तक्रार अर्जाची दखल घेतली गेली नाही असा दावा माने यांनी केला आहे.

माने यांनी उपविभागीय पोलीस अधिकारी आणि पोलीस अधीक्षक यांच्याकडेही तक्रार केली होती, परंतु त्यांच्या तक्रारीकडेही दुर्लक्ष करण्यात आले. त्यामुळे खऱ्या आरोपीला वाचवण्यात आले असून खोट्या कारणासाठी त्याच्याविरुद्ध दारू पार्टी केल्याचा गुन्हा दाखल करण्यात आल्याचा आरोप माने यांनी केला आहे.

पत्रात नमूद केलेले आरोप: