अणदूर – तुळजापूर तालुक्यातील अणदूर गावात महादेव मंदिराची अज्ञात समाजकंटकांकडून विटंबना करण्यात आल्याने गावात तणावाचे वातावरण पसरले आहे. या घटनेच्या निषेधार्थ गावकऱ्यांनी संपूर्ण अणदूर गाव बंद पाळले आहे. आरोपीस अटक होईपर्यंत हा बंद सुरू राहील, असा इशाराही देण्यात आला आहे.
अणदूर गावातील पाटील तांडा डोंगरावर असलेल्या महादेव मंदिराची अज्ञात समाजकंटकांनी विटँबना केल्याने गावात तणावाचे पसरले आहे. श्रावण महिन्याच्या पवित्र काळात ही घटना घडल्याने ग्रामस्थांमध्ये संताप व्यक्त होत आहे. घटनेची गंभीर दखल घेत पोलिसांनी तपास सुरू केला असून, श्वान पथकाच्या मदतीने मिळालेल्या पुराव्यावरून पोपट राम चव्हाण या संशयित आरोपीस अटक करण्यात आली आहे.
सध्या गावात पोलिसांचा कडेकोट बंदोबस्त तैनात करण्यात आला असून, तणावपूर्ण शांतता आहे.
