परंडा – तालुक्यातील सोनारी शिवारातील सोनारी ते परंडा रोडवरील हरण ओढा पुलावरून एका अज्ञात महिलेचा मृतदेह आढळून आला आहे. पोलिसांनी दिलेल्या माहितीनुसार, अंदाजे 30 वर्षे वयाच्या या महिलेच्या डाव्या हातावर “प्रकाश” असे गोंधलेले आहे.
दि. 16 नोव्हेंबर 2024 रोजी संध्याकाळी 6 ते दि. 17 नोव्हेंबर 2024 रोजी सकाळी 7 या वेळेत अज्ञात व्यक्तीने या महिलेवर कशानेतरी वार करून तिच्या शरीरावर जखमा केल्या. त्यानंतर पांढऱ्या रंगाच्या उपरण्याने तिचा गळा आवळून खून केला. पुरावा नष्ट करण्याच्या उद्देशाने तिचा मृतदेह हरण ओढ्यात फेकून देण्यात आला.
पोलीस नाईक रामकिसन दगडू कुंभार यांनी दिलेल्या फिर्यादीवरून आंबी पोलीस ठाण्यात भादंवि कलम 302, 201 अन्वये गुन्हा दाखल करण्यात आला आहे. पोलिसांनी तपास सुरू केला असून महिलेची ओळख पटवण्याचे आणि आरोपींना शोधण्याचे प्रयत्न सुरू आहेत.
