तुळजापूर: सांगवी मार्डी ब्रीजवर एसटी चालकाला मारहाण करून शासकीय कामात अडथळा आणल्याची घटना घडली आहे. ऋषिकेश शाहू वाडकर (रा. सिद्धेश्वर वडगाव, जि. धाराशिव) यांनी एसटी चालक बालाजी हरिश्चंद्र बनकर (वय ४५, रा. आशिव, जि. लातुर) यांना मारहाण करून बस जाळण्याची धमकी दिली.
बनकर हे १४ नोव्हेंबर रोजी दुपारी १२ वाजता एमएच १४ एलबी ०७४७ क्रमांकाची बस चालवत असताना वाडकर यांनी त्यांच्या मोटरसायकलने अचानक बससमोर कट मारला. यावरून झालेल्या वादात वाडकर यांनी बनकर यांना शिवीगाळ करून लाथाबुक्क्यांनी मारहाण केली. तसेच बस जाळून टाकण्याची धमकी दिली.
याप्रकरणी बनकर यांनी दिलेल्या फिर्यादीवरून तुळजापूर पोलीस ठाण्यात वाडकर यांच्याविरुद्धभा.न्या.सं. कलम 132, 121(1), 126(2), 352, 351(2) अन्वये गुन्हा दाखल करण्यात आला आहे.
