धाराशिवचे पोलीस अधीक्षक अतुल कुलकर्णी यांची बदली करण्यात आली आहे. ते आता सोलापूर ग्रामीणचे पोलीस अधीक्षक म्हणून कार्यरत राहणार आहेत. त्यांच्या जागी बारामतीचे अपर पोलीस अधीक्षक संजय जाधव यांची नियुक्ती करण्यात आली आहे.
अतुल कुलकर्णी यांनी धाराशिव येथे दोन वर्षांची जबाबदारी पार पाडली. त्यांच्या कालावधीत जिल्ह्यात कायदा व सुव्यवस्था राखण्यासाठी विविध उपक्रम राबविण्यात आले. मात्र, त्यांची कारकीर्द संमिश्र राहिली.
नव नियुक्त पोलीस अधीक्षक संजय जाधव यांना धाराशिवच्या पोलीस दलाची सूत्रे सोपवण्यात आली आहेत. त्यांच्याकडून जिल्ह्यातील कायदा व सुव्यवस्था राखण्याची अपेक्षा व्यक्त केली जात आहे.
पोलिस अधीक्षकांची ही बदली शहरात चर्चेचा विषय ठरली आहे. नागरिकांनी नव्या पोलीस अधीक्षकाकडून कायदा व सुव्यवस्था राखण्याची अपेक्षा व्यक्त केली आहे.
