उमरगा: उमरगा तालुक्यात मागील भांडणाचे कारणावरून दोन वेगवेगळ्या ठिकाणी मारहाणीचे गुन्हे दाखल झाले आहेत.
पहिल्या घटनेत, मातोळा येथील मुक्ताजी दत्तु भोसले (३८) यांना समादान माधव भोसले (रा. मातोळा) आणि महेश लिंबाजी भोसले (रा. सारोळा एरंडी, ता. औसा, जि. लातुर) यांनी ८ डिसेंबर रोजी रात्री ११ वाजता मातोळा शिवारात शेतात मारहाण केली. आरोपींनी भोसले यांना शिवीगाळ करून लाथाबुक्यांनी व काठीने मारहाण करून जखमी केले. तसेच जिवे मारण्याची धमकी दिली. याप्रकरणी भोसले यांनी १३ डिसेंबर रोजी उमरगा पोलीस ठाण्यात फिर्याद दिली असून, भा.न्या.सं. कलम ११८(१), ११५(२), ३५१(२), ३५१(३), ३५२, ३(५) अन्वये गुन्हा दाखल करण्यात आला आहे.
दुसऱ्या घटनेत, मिरगन हळी (ता. निलंगा, जि. लातुर) येथील संतोष शिवाजी धुमाळ (४२) यांना १३ डिसेंबर रोजी दुपारी २ वाजता उमरगा येथील ए.मार्ट किराणा दुकानासमोर तीन अनोळखी इसमांनी मारहाण केली. आरोपींनी धुमाळ यांना लाथाबुक्यांनी व हंटरने मारहाण करून जखमी केले. याप्रकरणी धुमाळ यांनी उमरगा पोलीस ठाण्यात फिर्याद दिली असून, भा.न्या.सं. कलम ११८(१), ११५(२), ३(५) अन्वये गुन्हा दाखल करण्यात आला आहे.
