येरमाळ्याजवळ दोन संशयित चोरटे जेरबंद

येरमाळा : येरमाळा पो.ठा.चे पथक दि. 08.04.2024 रोजी 03.15 वा.सु. येरमाळा पोलीस ठाणे हद्दीत रात्रगस्तीस असताना दरम्यान येरमाळा ते पानगाव रोडवर हॉटेल अनुष्का चे बाजूस खड्यामध्ये अंधाराचा दबा धरुन बसलेल्या एका इसमास संशयावरुन पथकाने हाटकले. यावर त्यांची विचारपुस केली असता त्याने आपले नाव- सावळराम सायबा शिंदे, वय 35 वर्षे, रा. फुलेनगर पाथरी जि. परभणी 2) जयसिंग विठ्ठल नाईक वय 58 रा. माळीवाडा ता. पाथ्री जि. परभणी असे सांगीतले. पोलीसांनी अशा रात्री अवेळी फिरण्याचे कारण विचारले असता त्यांनी पोलीसांना उडवाउडवीची उत्तरे दिल्याने ते माला विरूध्द गुन्हा करण्याच्या उद्देशाने तेथे फिरत असल्याचा पोलीसांचा संशय बळावल्याने त्यांना ताब्यात घेउन पोलीसांनी सरकारतर्फे दिलेल्या प्रथम खबरेवरुन नमूद व्यक्तींविरुध्द महाराष्ट्र पोलिस कायदा कलम- 122 अंतर्गत गुन्हा नोंदवला आहे.

दोन ठिकाणी चोरी

तुळजापूर : फिर्यादी नामे-सचिन गणपती ननवरे, वय 45 वर्षे, रा. हंगरगा तुळ ता. तुळजापूर जि. धाराशिव यांचे हंगरगा तुळ शिवारातील शेतातील विहीर व बोर वरील अंदाजे 450 फुट केबल व दोन चंदनाची झाडे असा एकुण 44,000₹ किंमतीचा माल हा आरोपी नामे- सुरज शिंदे, 2) अजय काळे, इतर दोन इसम रा. हंगरगा पाटी ता. तुळजापूर यांनी दि. 06.04.2024 रोजी 22.00 ते 24.00 वा. सु. चोरुन नेले. अशा मजकुराच्या फिर्यादी नामे सचिन ननवरे यांनी दि.08.04.2024 रोजी दिलेल्या प्रथम खबरेवरुन तुळजापूर पो. ठाणे येथे 379, 34 भा.दं.वि.सं. अन्वये गुन्हा नोंदवला आहे.

ढोकी : दि.05.02.2024 रोजी 09.30 वा. सु. दादा सरडे डीपी पळसप येथील शेत गट नं 264 मधील नउ पोलवरील लघुविद्युत वाहिणीची तार अंदाजे 30,000₹ किंमतीची ही अज्ञात व्यक्तीनी चोरुन नेली. अशा मजकुराच्या फिर्यादी नामे प्रविण संदीपन माळी, वय 35 वर्षे, व्यवसाय नोकरी रा. पळसप ता. जि. धाराशिव हा.मु. मोदीनगर मुरुड ता. जि. लातुर यांनी दि.08.04.2024 रोजी दिलेल्या प्रथम खबरेवरुन ढोकी पो. ठाणे येथे 379, 34 भा.दं.वि.सं. अन्वये गुन्हा नोंदवला आहे.

विश्वासघात करणाऱ्यावर गुन्हा दाखल

कळंब : आरोपी नामे- आश्रुबा संपत्ती काळे, 2) नाना जालिंदर काळे, 3) विष्णु काळे, 4) रुक्मिणी जालिंदर काळे, 5) संजुबाई आश्रुबा काळे, 6) दादा विष्णु काळे सर्व रा. नांदुर ता. केज जि. बीड यांनी दि. 18.03.2024 रोजी 18.00 वा. सु. मार्केट यार्ड कळंब येथे फिर्यादी नामे- कमलाबाई राजा काळे, वय 65 वर्षे रा. मार्केट यार्ड कळंब ता. कळंब जि. धाराशिव यांना विश्वासत घेवून नमुद आरोपींनी त्यांचे कडून 13 ग्रॅम वजनाची कालिका देवीची मुर्ती, पिवळे धातु असलेल्या, 3 ग्रॅम वजनाची भैरवनाथ देवाची मुर्ती, 3 तोळे वजनाची पांढऱ्या धतुचे देवाची मुर्ती परत आणुन देतो म्हणून घेवून जावून कमलाबाई काळे यांचा विश्वासघात केला. अशा मजकुराच्या फिर्यादी नामे कमलाबाई काळे यांनी दि. 08.04.2024 रोजी दिलेल्या प्रथम खबरेवरुन कळंब पो ठाणे येथे कलम 406, 34 भा.दं.वि.सं. अन्वये गुन्हा नोंदवला आहे.