उमरगा : उमरगा तालुक्यातील हिप्परगा रवा येथे एका ६५ वर्षीय वृद्धाला जुन्या भांडणाच्या कारणावरून शिवीगाळ करत लाथाबुक्क्यांनी आणि काठीने मारहाण केल्याची घटना घडली आहे. याप्रकरणी उमरगा पोलीस ठाण्यात आरोपीविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी दिगंबर एकनाथ भोसले (वय ६५, रा. हिप्परगा रवा) यांनी दिलेल्या तक्रारीवरून आरोपी बालाजी विश्वनाथ मुळे (रा. हिप्परगा रवा) याच्यावर गुन्हा नोंदवण्यात आला आहे.
घटना २६ जून २०२५ रोजी सायंकाळी ७ वाजून १० मिनिटांच्या सुमारास घडली. आरोपी बालाजी मुळे याने जुन्या भांडणाचा राग मनात धरून दिगंबर भोसले यांना शिवीगाळ केली. त्यानंतर त्यांना लाथाबुक्क्यांनी आणि काठीने मारहाण करून जखमी केले. तसेच, “तुला बघून घेतो,” अशी धमकीही दिली.
या घटनेनंतर दिगंबर भोसले यांनी ३० जून २०२५ रोजी उमरगा पोलीस ठाण्यात धाव घेऊन तक्रार दाखल केली. त्यांच्या फिर्यादीवरून पोलिसांनी आरोपी बालाजी मुळे याच्याविरुद्ध भारतीय न्याय संहिता कलम ११८(१), ३५२, ३५१(२), आणि ३५१(३) अन्वये गुन्हा नोंदवला आहे. पुढील तपास पोलीस करत आहेत.
