धाराशिव जिल्हा परिषद व पंचायत समिती निवडणुकीची उद्या मतमोजणी!

धाराशिव |  धाराशिव जिल्हा परिषद आणि पंचायत समितीच्या सार्वत्रिक निवडणुकीसाठी ७ फेब्रुवारी रोजी पार पडलेल्या निवडणुकीत एकूण ६५.२२ टक्के झाले.जिल्ह्यातील ५५ जिल्हा परिषद गट आणि ११० पंचायत समिती गणांसाठी एकूण ७ लक्ष ४७ हजार ३७० मतदारांनी आपल्या मतदानाचा हक्क बजावला. आता सर्वांचे लक्ष उद्या, ९ फेब्रुवारी रोजी होणाऱ्या मतमोजणीकडे लागले आहे.

जिल्ह्यात एकूण ११ लक्ष ४५ हजार ८८८ मतदार होते, त्यापैकी ७ लक्ष ४३ हजार ३७० मतदारांनी मतदान केले. यामध्ये पुरुष मतदारांची संख्या ३,९९,६४९, महिला ३,४७,७१८ आणि ४ तृतीयपंथी मतदारांचा समावेश आहे. सकाळी ७.३० वाजता सुरू झालेले मतदान सायंकाळी ५.३० वाजेपर्यंत चालले. अनेक केंद्रांवर सायंकाळनंतरही मतदारांच्या लांबच लांब रांगा पाहायला मिळाल्या.

तालुकानिहाय मतदानाची टक्केवारी

भूममध्ये उत्साह, लोहारात नीचांक

या निवडणुकीत भूम तालुक्याने ७१.६६ टक्के मतदानासह जिल्ह्यात प्रथम क्रमांक पटकावला आहे, तर लोहारा तालुक्यात सर्वात कमी म्हणजे ५७.३२ टक्के इतके मतदान झाले. परंडा तालुक्यानेही ७१.६२ टक्के मतदान करत भूमच्या बरोबरीने चुरस निर्माण केली आहे.

उद्या फैसला: सकाळी १० पासून मतमोजणी

निवडणुकीचा निकाल उद्या, ९ फेब्रुवारी २०२६ रोजी जाहीर होणार आहे. प्रत्येक तालुक्याच्या ठिकाणी सकाळी १० वाजल्यापासून मतमोजणीला सुरुवात होईल. १३०८ मतदान केंद्रांवरील मतपेट्यांमध्ये बंद झालेले उमेदवारांचे भवितव्य उद्या स्पष्ट होणार असल्याने जिल्ह्याचे राजकीय वातावरण कमालीचे तापले आहे.