जुन्या वादातून तरुणावर कोयता आणि काठ्यांनी जीवघेणा हल्ला; एका महिलेसह ७ जणांवर गुन्हा दाखल

वाशी  : मागील भांडणाच्या कारणावरून एका ३५ वर्षीय तरुणाला शिवीगाळ करत लोखंडी कोयता आणि काठीने बेदम मारहाण केल्याची धक्कादायक घटना वाशी तालुक्यातील पार्डी येथे घडली आहे. या हल्ल्यात तरुण गंभीर जखमी झाला असून, याप्रकरणी वाशी पोलीस ठाण्यात एका महिलेसह एकूण ७ जणांविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी शंकर बापू काळे (वय ३५ वर्षे, रा. पार्डी, ता. वाशी, जि. धाराशिव) यांच्यासोबत आरोपींचे जुने वाद होते. याच मागील भांडणाचा राग मनात धरून शनिवारी (दि. २१ मार्च) रात्री ८.०० ते ८.१५ वाजेच्या सुमारास पार्डी गावात आरोपींनी शंकर यांना गाठले.

आरोपींनी शंकर यांना शिवीगाळ करण्यास सुरुवात केली. त्यानंतर लाथाबुक्क्यांनी मारहाण करत त्यांच्याजवळील लोखंडी कोयता आणि काठीने त्यांच्यावर जीवघेणा हल्ला केला. या अमानुष मारहाणीत शंकर काळे हे गंभीर जखमी झाले आहेत.

या घटनेप्रकरणी शंकर काळे यांनी शुक्रवारी (दि. २७ मार्च) दिलेल्या प्रथम खबरेवरून वाशी पोलीस ठाण्यात खालील ७ आरोपींविरुद्ध गुन्हा नोंदवण्यात आला आहे:

दाखल झालेल्या आरोपींची नावे:

• तानाजी शहाजी काळे

• धनु उत्तम काळे

• चंदू धनु काळे

• मैनाबाई महादेव काळे

• आबा अंबऋषी काळे (सर्व रा. पार्डी, ता. वाशी)

• लक्ष्मण बापू पवार (रा. वाशी)

• सुनील भागवत काळे (रा. तेरखेडा, ता. वाशी, जि. धाराशिव)

या सर्वांवर भारतीय न्याय संहिता (BNS) कलम 118(2), 118(1), 115(2), 352, 351(2), 351(3), 189(2), 190, 191(1), 191(2), 191(3) अन्वये गुन्हा दाखल करण्यात आला असून, वाशी पोलीस या प्रकरणाचा पुढील तपास करत आहेत.