कळंब : धाराशिव आणि तुळजापूर पाठोपाठ कळंब शहरात सुमारे १५ दिवसांपूर्वी उघडकीस आलेल्या ड्रग्स प्रकरणाची व्याप्ती आता अधिकच वाढली आहे. या आंतरजिल्हा ड्रग्स रॅकेटचा पर्दाफाश करत पोलिसांनी आतापर्यंत ६ मुख्य ड्रग पेडलर्सना (पुरवठादारांना) बेड्या ठोकल्या आहेत. या संपूर्ण प्रकरणाचे थेट ‘पुणे कनेक्शन’ समोर आल्याने खळबळ उडाली आहे.
लाखो रुपयांची उलाढाल
तपासादरम्यान या ड्रग्स पुरवठ्यातून लाखो रुपयांची मोठी आर्थिक उलाढाल झाल्याचे उघड झाले आहे. हा काळा पैसा नेमका कुठून आला, कोणाच्या बँक खात्यांवर वळवला गेला आणि यात आणखी कोण सामील आहे, याचा कसून आर्थिक तपास पोलीस करत आहेत.
रॅकेटची पाळेमुळे शोधण्याचे पोलिसांचे प्रयत्न
हे ड्रग्स केवळ पुण्यापुरते मर्यादित नसून पुण्याच्या पुढे कुठून पुरवले जात होते, तसेच मराठवाड्यासह धाराशिव जिल्ह्यात हे जाळे कसे पसरले, याचा छडा लावण्यासाठी पोलीस विशेष मोहीम राबवत आहेत.
🚨 कळंब ड्रग्स प्रकरणात अटक करण्यात आलेले आरोपी:
-
निखिल जाधव
-
अरविंद कांबळे
-
लखन गायकवाड
-
अक्षय रीटे
-
मोसीन सलीम मिर्झा
-
सुशांत सुतार
“ड्रग्स तस्करीची पाळेमुळे नेमकी कुठपर्यंत पोहोचली आहेत याचा शोध घेतला जात असून, लवकरच या साखळीतील मुख्य सूत्रधारांपर्यंत पोलीस पोहोचतील. या प्रकरणात आणखी काही आरोपी निष्पन्न होऊन त्यांना अटक होण्याची दाट शक्यता आहे,” अशी माहिती तपास अधिकारी शकील शेख यांनी दिली.
