धाराशिव : धाराशिव शहरातील शिवसेना उद्धव बाळासाहेब ठाकरे गटाला धक्का बसला असून,चार नगरसेवकांनी शिवसेना शिंदे गटात जाहीर प्रवेश केला आहे.
धाराशिव नगरपालिकेचे नगरसेवक प्रदीप मुंडे, संतोष उर्फ नाना घाडगे, सोनाली अमित उंबरे आणि केसरबाई ज्ञानदेव करवर तसेच अमित उंबरे आणि ज्ञानदेव करवर यांनी शिवसेनेत प्रवेश केला.
शिवसेनेचे मुख्य नेते तथा महाराष्ट्राचे उपमुख्यमंत्री एकनाथ शिंदे यांच्या नेतृत्वावर विश्वास व्यक्त करत हा पक्षप्रवेश झाल्याचे खासदार ओमराजे निंबाळकर यांच्या पोस्टमध्ये नमूद करण्यात आले आहे.
धाराशिव शहरातील राजकीय समीकरणांच्या पार्श्वभूमीवर या पक्षप्रवेशाला विशेष महत्त्व प्राप्त झाले आहे. नगरपालिकेतील लोकप्रतिनिधी आणि त्यांच्या कुटुंबीयांचा एकत्रित पक्षप्रवेश हा ठाकरे गटासाठी राजकीय धक्का मानला जात आहे.
शिवसेना संघटना धाराशिव शहरात अधिक मजबूत करण्यासाठी नव्या सहकाऱ्यांच्या सहभागाचा निश्चितच मोठा फायदा होईल, असा विश्वास पक्षाकडून व्यक्त करण्यात आला आहे.
या पक्षप्रवेशावेळी सूरज साळुंके, सोमनाथ गुरव, ऋषिकेश भैय्या मगर आणि आदी उपस्थित होते.
