परंडा – जवळा ते वालवड जाणाऱ्या रस्त्यालगत ईडा परिसरातील हॉटेल्समध्ये गॅस शेगडीवर निष्काळजीपणे अग्नी प्रज्वलित करून मानवी जीवितास धोका निर्माण केल्याप्रकरणी परंडा पोलिसांनी सहा हॉटेल चालकांविरुद्ध धडक कारवाई केली आहे. याप्रकरणी परंडा पोलीस ठाण्यात सहा जणांविरोधात स्वतंत्र गुन्हे दाखल करण्यात आले आहेत.
मिळालेल्या माहितीनुसार, २० नोव्हेंबर रोजी दुपारी १२:०० ते ३:०० वाजेच्या सुमारास जवळा ते वालवड जाणाऱ्या रोडलगत ईडा येथे रस्त्याच्या बाजूला असलेल्या विविध हॉटेल्समध्ये ही तपासणी मोहीम राबवण्यात आली. यावेळी संबंधित हॉटेल चालकांनी सुरक्षेचे कोणतेही नियम न पाळता गॅस शेगडीवर निष्काळजीपणे अग्नी प्रज्वलित केल्याचे पोलिसांच्या निदर्शनास आले.
याप्रकरणी पोलिसांनी सरकारतर्फे दिलेल्या प्रथम खबरेवरून खालील सहा आरोपींविरुद्ध स्वतंत्र गुन्हे नोंदवले आहेत: १) अमोल श्रीहरी भोरे (वय ३५ वर्षे, रा. ईडा, ता. भूम, जि. धाराशिव) २) रामराजे चत्रभुज गुंजाळ (वय ३३ वर्षे, रा. वांगी बु., ता. भूम, जि. धाराशिव) ३) यश गणेश कोर्ट (वय १९ वर्षे, रा. अंतरगाव, ता. भूम, जि. धाराशिव) ४) अशोक मुरलीधर घाडगे (वय ३२ वर्षे, रा. ईडा, ता. भूम, जि. धाराशिव) ५) सतीश बाबुराव गोरे (वय ५३ वर्षे, रा. अंतरगाव, ता. भूम, जि. धाराशिव) ६) अजीत मारुती गोरे (वय ३० वर्षे, रा. अंतरगाव, ता. भूम, जि. धाराशिव)
नमूद सर्व आरोपींविरुद्ध भारतीय न्याय संहिता (BNS) कलम २८७ (अग्नी किंवा ज्वलनशील पदार्थाबाबत निष्काळजीपणाचे वर्तन करणे) अन्वये स्वतंत्र ६ गुन्हे दाखल करण्यात आले आहेत. या प्रकरणाचा पुढील तपास परंडा पोलीस करत आहेत.




