धाराशिव : फेसबुकवरुन आयडीएफसी फस्ट बँकेची लोन जाहिरात पाहून कर्ज घेण्यासाठी अर्ज केलेल्या व्यक्तीला 8 जणांनी २ लाख २३ हजार रुपयांची फसवणूक केल्याचा धक्कादायक प्रकार समोर आला आहे. सायबर गुन्हेगारी पोलिसांनी या प्रकरणी गुन्हा दाखल करून तपास सुरू केला आहे.
धाराशिव जिल्ह्यातील भूम तालुक्यातील डोकेवाडी येथील रहिवासी पोपट अंकुश खैरे ( वय 39 वर्षे, ) यांनी सायबर गुन्हेगारी पोलिस ठाण्यात फसवणुकीची तक्रार दाखल केली आहे. तक्रारीनुसार, आरोपींनी फेसबुकवरुन आयडीएफसी फस्ट बँकेची लोन बाबतची जाहिरात दाखवून खैरे यांना फसवले.
खैरे यांनी तक्रारीत म्हटले आहे की, त्यांनी 9 नोव्हेंबर 2023 रोजी फेसबुकवरुन आयडीएफसी फस्ट बँकेची लोन जाहिरात पाहिली आणि त्यानुसार लोनसाठी अर्ज केला. त्यानंतर आरोपींनी त्यांना वेळोवेळी फाईल चार्ज, प्रोसेसिंग फी इत्यादीच्या नावाखाली 2,23,600 रुपये ऑनलाईन पैसे हस्तांतरित करण्यास सांगितले. पैसे दिल्यानंतरही खैरे यांना लोन मिळाले नाही आणि आरोपींनी संपर्कही साधणे बंद केले.
यानंतर खैरे यांनी 20 जुलै 2024 रोजी सायबर गुन्हेगारी पोलिस ठाण्यात तक्रार दाखल केली. तक्रारीवरून शितल शिंदे, श्वेता शिंदे, चेताना पवार, अविनाश देशमुख, प्रदीप कुमार, शुभम खातुन आणि सागर भगवान मोकाले यांच्यावर भारतीय दंड संहिता कलम 318(1) आणि माहिती तंत्रज्ञान सुधारित अधिनियम 2008 चे कलम 66(सी) आणि 66(डी) अन्वये गुन्हा दाखल करण्यात आला आहे.
आरोपी नामे-मो.क्र 9558110974 चा धारक, शितल शिंदे, मो.क्र. 9624433270 चा धारक श्वेता शिंदे, मो. क्र. 9152919316 चा धारकचेतना पवार, मो. क्र. 8401581016 चा धारक अविनाश देशमुख व इतर प्रदीप कुमार, शुभम खातुन व सागर भगवान मोकाले यांनी दि. 09.11.2023 रोजी 12.30 ते दि. 16.07.2024 रोजी 16.00 वा. सु. फिर्यादी नामे- पोपट अंकुश खैरे, वय 39 वर्षे, रा. डोकेवाडी ता. भुम जि. धाराशिव यांचे मोबाईलवर फेसबुक वर ऑनलाईन आयडीएफसी फस्ट बॅकेची लोन बाबतची जाहीरात पाहिली व त्यावरील लोन बाबतचा फॉर्म भरला असता नमुद आरोपींनी फिर्यादीस ऑनलाईन लोन मंजुर करतो असे म्हणून वेळोवेळी फाईल चार्ज चे कारण सांगुन फिर्यादी यांचे कडून 2, 23, 600 ₹ ऑनलाईन पैसे घेवून फसवणुक केली. अशा मजकुराच्या फिर्यादी नामे- पोपट खैरे यांनी दि.20.07.2024 रोजी दिलेल्या प्रथम खबरेवरुन सायबर पो ठाणे येथे भारतीय न्याय संहिता कलम 318(1) सह माहिती तंत्रज्ञान सुधारीत अधिनियम 2008 चे कलम 66(सी), 66(डी) अन्वये गुन्हा नोंदवला आहे.
पोलिसांनी या प्रकरणाचा तपास सुरू केला असून, लवकरच आरोपींना अटक करण्यात येईल अशी माहिती पोलिसांनी दिली आहे. नागरिकांना अशा प्रकारच्या ऑनलाईन फसवणुकीबाबत सतर्क राहण्याचे आणि कोणत्याही प्रकारची ऑनलाईन पेमेंट करण्यापूर्वी बँकेची आणि संबंधित कंपनीची खात्री करण्याचे आवाहन पोलिसांनी केले आहे.
