येरमाळा : कळंब तालुक्यातील दहिफळ येथे 24 जुलै रोजी रात्री साडेसात वाजण्याच्या सुमारास सिध्दीनाथ अंकुश मते (वय 34, रा. येरमाळा) या तरुणावर प्राणघातक हल्ला करण्यात आला. या हल्ल्यात प्रविण लहु मते आणि अरुण दामोदर मते (दोघे रा. दहिफळ) या दोघांना आरोपी करण्यात आले आहे.
सिध्दीनाथ मते यांचे वडील अंकुश रामा मते यांच्याशी आरोपींचे पूर्वी भांडण झाले होते. त्याचा बदला घेण्यासाठी आरोपींनी सिध्दीनाथ मते यांना शिवीगाळ करून लाथाबुक्क्यांनी मारहाण केली. तसेच, लोखंडी कोयत्याने वार करून त्यांना गंभीर जखमी केले. या हल्ल्यात सिध्दीनाथ मते यांच्या जीवाला धोका निर्माण झाला होता.
या घटनेची माहिती मिळताच येरमाळा पोलिसांनी घटनास्थळी धाव घेतली. सिध्दीनाथ मते यांच्या फिर्यादीवरून प्रविण लहु मते आणि अरुण दामोदर मते या दोघांविरुद्ध भारतीय दंड संहिता कलम 333, 118(1), 352, 351(2)(3), 3(5) अन्वये गुन्हा दाखल करण्यात आला आहे. आरोपींना अटक करण्यासाठी पोलिसांनी पथके रवाना केली आहेत.
