शिराढोण : कळंब तालुक्यातील जवळा खुर्द येथे 5 सप्टेंबर रोजी सकाळी 10:15 वाजता रमेश राजाभाऊ कांबळे यांना व त्यांच्या कुटुंबियांना श्रीकांत बालाजी पवार, प्रदीप नवनाथ पवार आणि निरंजन काशीनाथ पवार यांनी जातीवाचक शिवीगाळ करून मारहाण केली. या घटनेत कांबळे कुटुंब जखमी झाले असून आरोपींनी त्यांना ठार मारण्याची धमकी दिली. रमेश कांबळे यांच्या तक्रारीवरून शिराढोण पोलीस ठाण्यात आरोपींविरुद्ध भादंवि कलम 118(1), 115(2), 351(1), 352, 3(5) सह 3(1)(आर)(एस) आणि अ.जा.ज.अ.प्र. कायद्यानुसार गुन्हा दाखल करण्यात आला आहे.
उमरगा: उमरगा तालुक्यातील हंद्राळ वाणी येथे 3 सप्टेंबर रोजी सायंकाळी 6:30 वाजता सावित्रा सागर बोयणे यांच्या पतीला केशव चंद्रकांत बोयणे, महादेव चंद्रकांत बोयणे आणि चंद्रकांत अंबाजी बोयणे यांनी शिवीगाळ करून मारहाण केली. या हल्ल्यात सावित्रा बोयणे यांच्या पतीच्या मनगटाजवळ फ्रॅक्चर झाला असून त्यांना गंभीर दुखापत झाली आहे. आरोपींनी त्यांना ठार मारण्याची धमकी दिल्याचा आरोपही आहे. सावित्रा बोयणे यांच्या तक्रारीवरून शिराढोण पोलीस ठाण्यात आरोपींविरुद्ध भादंवि कलम 117(2), 115(2), 351(1), 351(3), 352 आणि 3(5) अन्वये गुन्हा दाखल करण्यात आला आहे.
