ढोकी: इर्ला येथे वैष्णवी विलास कांबळे यांना त्यांच्या आई-वडील व भावांसह ११ जणांनी मारहाण केल्याची घटना १८ जानेवारी रोजी घडली. मनोज मोहन कांबळे, आकाश देविदास कांबळे, कचोर देविदास कांबळे, चेतन मोहन कांबळे, सागर मोहन कांबळे, सविता मोहन कांबळे, लक्ष्मी बाबु कांबळे, अनुसया देविदास कांबळे, रेश्मा कांबळे, अनिता कांबळे, मोहन नारायण कांबळे, देविदास नारायण कांबळे (सर्व रा. इर्ला) यांनी वैष्णवी कांबळे यांना शिवीगाळ करून लाथाबुक्क्यांनी, रॉड, काठीने मारहाण करून जखमी केले. तसेच जिवे मारण्याची धमकी दिली. याप्रकरणी ढोकी पोलीस ठाण्यात भादंवि कलम ११८(१), ३३३, ११५, ३५२, ३५१(२), ३५१(३), १८९(२), १९१(२), १९१(३), १९० अन्वये गुन्हा दाखल करण्यात आला आहे.
लोहारा: सास्तुर येथे शेखर मल्लीकार्जुन जगदे (वय ५५ वर्षे) यांना जितेंद्र बब्रुवान जगदे व संजय बब्रुवान जगदे (दोघेही रा. सास्तुर) यांनी १३ जानेवारी रोजी मारहाण केली. सामाईक बांधावरील सरकारी बाभळीच्या झाडाच्या फांद्या तोडल्याच्या कारणावरून आरोपींनी शेखर जगदे यांना शिवीगाळ करून लाथाबुक्क्यांनी व कुऱ्हाडीच्या दांड्याने मारहाण करून जखमी केले. तसेच जिवे मारण्याची धमकी दिली. याप्रकरणी लोहारा पोलीस ठाण्यात भादंवि कलम ३२९(३), ११८(१), ११५(२), ३५२, ३५१(२), ३५१(३), ३(५) अन्वये गुन्हा दाखल करण्यात आला आहे.
