धाराशिव: शहरातील गणेश नगर येथील रहिवासी स्वप्नील संजय मोहिते (वय 28) यांच्यासोबत ऑनलाईन फसवणूक झाल्याची घटना उघडकीस आली आहे. अज्ञात व्यक्तीने बनावट विमा पॉलिसीचे आमिष दाखवून मोहिते यांच्या बँक खात्यातून 18 लाख 79 हजार रुपये ऑनलाईन काढून घेतले आहेत.
मोहिते यांना 2 नोव्हेंबर ते 6 नोव्हेंबर दरम्यान 8882184682 या क्रमांकावरून फोन आला होता. फोन करणाऱ्याने त्यांना बनावट विमा पॉलिसीचे आमिष दाखवून त्यांच्या बँक खात्याची माहिती मिळवली. त्यानंतर ओटीपीच्या माध्यमातून मोहिते यांच्या खात्यातून 18,79,000 रुपये काढून घेतले.
याप्रकरणी मोहिते यांनी 11 नोव्हेंबर रोजी सायबर पोलीस ठाण्यात फिर्याद दाखल केली आहे. पोलिसांनी भादंवि कलम 318(1) सह कलम 66(सी), 66(डी) माहिती तंत्रज्ञान सुधारित अधिनियम 2008 अन्वये गुन्हा नोंदवला असून पुढील तपास सुरू आहे.
