धाराशिव शहरातील रस्त्यांचे 140.58 कोटींच्या निधीचे गोडवे गायले जात असले, तरी रस्त्यांवरील खड्ड्यांपेक्षा मोठे प्रश्न उभे राहत आहेत. 10 महिन्यांपासून रखडलेल्या 59 रस्त्यांच्या कामांची लांबी जरी 26 किमी असली, तरी भ्रष्टाचाराची लांबी किती आहे हे मात्र अद्याप ठरवायचे आहे. या प्रकरणात जबाबदार कोण, हे शोधण्यासाठी नगर परिषदेच्या मुख्याधिकाऱ्यांची नार्कोटेस्ट करावी, अशी नागरीकांची मागणी आहे.
रस्त्यावरचा राणबोका कोण?
या गोंधळात “टक्केवारीच्या मलई” साठी शहरातील रस्त्यांची कामे अडवणाऱ्या “राणबोक्यां”चा शोध लागावा, अशीही मागणी आहे. लोकांच्या मते, राणबोक्यांच्या गोटात कामं मंजूर करणारे आणि ती अडवणारे एकाच चहा टपरीवर चर्चा करताना दिसतात.
आंदोलन की नाट्यमय प्रायश्चित्त?
मंगळवारी धाराशिवमध्ये जिल्हाधिकारी कार्यालयासमोर “रस्ता रोको आंदोलन” करण्यात आले. आंदोलनात शिवसेना (ठाकरे गट) आणि काँग्रेसचे कार्यकर्ते मोठ्या संख्येने सहभागी झाले. पण गमतीशीर भाग म्हणजे, या आंदोलनात सहभागी झालेले काही कार्यकर्ते हेच रस्त्यांच्या कामांचे ठेकेदार असल्याचा प्रकार समोर आला आहे.
“आंदोलन करणारे आणि कामे थातुरमातुर करणारे एकच असल्याने, ही घटना ‘दोन हात एकाच हाताच्या बोटांनी चिमटीत पकडल्यासारखी’ आहे,” अशी टीका काही नागरिकांनी केली.
नागरिकांची प्रतिक्रिया:
एका नागरिकाने उपरोधिक शैलीत म्हटले, “रस्त्यांचा उपयोग प्रवासासाठी व्हावा की चिखल-पाण्यात पोहण्यासाठी, हेही कळेनासं झालंय. आंदोलनकर्ते स्वतः ठेकेदार निघाले, हे म्हणजे खड्ड्यांमध्ये ‘पूल’ बांधण्याचा प्रयत्नच!”
धाराशिवकरांनी आता नार्कोटेस्ट आणि चौकशीच्या मागण्या जोर धरल्या आहेत. पण प्रश्न उरतो, “राणबोक्यांची बोगस लिपी वाचून, शहराला अखेरचे रस्ते कधी मिळणार?”
तेव्हा, धाराशिवच्या रस्त्यांची गाडी खड्ड्यातून कधी बाहेर पडेल, याकडे सगळ्यांचे लक्ष आहे!
