धाराशिव : एका गावातील 23 वर्षीय महिलेवर (नाव व गाव गोपनीय) शेजारील गावातील एका तरुणाने तिला लग्नाचे आमिष दाखवून लैंगिक अत्याचार केल्याची घटना उघडकीस आली आहे. हा प्रकार 9 सप्टेंबर 2024 रोजी दुपारी 11:50 वाजता घडला. पीडिता घरी एकटी असताना आरोपीने तिला फसवून, बाहेरगावी नेले आणि तिच्यावर मारहाण करून लैंगिक अत्याचार केला.
यावेळी आरोपीने पीडितेला धमकी दिली की, जर घडलेल्या प्रकाराची कुणाला वाच्यता केली तर तिला जिवे मारले जाईल. या घटनेनंतर पीडित महिलेने 12 सप्टेंबर 2024 रोजी पोलिसांत तक्रार नोंदवली. यावरून संबंधित आरोपीविरुद्ध भा.न्या.सं. कलम- 69, 115(2), 351(2),351(3) अन्वये गुन्हा दाखल करण्यात आला आहे.
पोलिस अधिक तपास करत असून आरोपीला लवकरच अटक करण्यात येईल अशी माहिती दिली जात आहे.
