नमस्कार वाचकहो! ‘धाराशिव लाइव्ह’च्या या विशेष मालिकेत तुमचं पुन्हा एकदा स्वागत आहे. आज आपण अशा एका ‘विकासपुरुषाची’ कहाणी बघणार आहोत, ज्यांचा विकास जमिनीवर कमी आणि वर्तमानपत्रांच्या रंगीत पानांवर ‘फोटोशॉप’मध्येच जास्त वेगात सुरू आहे.
सध्या साहेबांच्या एका बातमीचा फोटो सोशल मीडियावर चांगलाच व्हायरल होत आहे. चला तर मग, या ‘सॉफ्टवेअर’ आणि ‘फोटोशॉप’मधल्या विकासाची थोडी चिरफाड करूया!
१. सहा वर्षे तीच कॅसेट: अरे बाबा, पहिले कर… मग सांग!
सध्या फेसबुक पिंट्या साहेबांनी त्यांच्या पेरोलवर असलेल्या ‘दिव्य पत्रकारांना’ खास आर्थिक पॅकेज देऊन नळदुर्गमधील ‘वसंतराव नाईक स्मारकाची’ एक भलीमोठी बातमी छापून आणली आहे. बातमीत २.७७ कोटींचा आकडा टाकलाय आणि सोबत एक भारी ‘थ्री-डी (3D) डिझाईन’ छापलंय.
पण साहेब, गेली सहा वर्षे झाली तुम्ही हेच तुणतुणं वाजवत आहात! काम सुरू झालंय, काम पूर्णत्वास जात आहे, अशा फक्त हवेतल्या गप्पा सुरू आहेत. जमिनीवर अजून वीट लागली नाही, पण वर्तमानपत्रात मात्र ‘फोटोशॉप’ करून अख्खं स्मारक उभं राहिलंय! अरे बाबा, पहिले काम प्रत्यक्ष जमिनीवर करून दाखव आणि मगच त्याचे फोटो छापून आण. नगराध्यक्ष आणि उपनगराध्यक्ष साहेबांना सोबत घेऊन फक्त घोषणांचे कागद फडकवल्याने स्मारकं उभी राहत नसतात, हे जनतेला पक्कं माहित आहे.
२. सूर्यराजेंचा दणका: तुळजापूरसाठी थेट ५ कोटींचा निधी!
एकीकडे फेसबुक पिंट्या साहेब ‘फोटोशॉप’मध्ये स्मारके बांधत असताना, दुसरीकडे ‘सूर्यराजेंनी’ थेट जमिनीवर विकास आणून दाखवला आहे. सूर्यराजेंनी तुळजापूर शहरातील रस्त्यांच्या विकासासाठी थेट पाच कोटी रुपयांचा निधी मंजूर करून आणला आहे.
सूर्यराजेंची कामाची पद्धत साधी आणि स्पष्ट आहे- “आधी निधी आणा, रस्त्याचं काम सुरू करा आणि मगच बोला.” साहेबांसारखं फुकटचं पॅकेज देऊन स्वतःची हवा करण्याची त्यांना गरज पडत नाही.
३. ठाण्याच्या ‘दाढीवाल्या साहेबांची’ सूर्यराजेंवर मेहेरनजर!
आता फेसबुक पिंट्या साहेबांच्या पोटात गोळा येण्याचं सर्वात मोठं कारण म्हणजे, ठाण्याचे ‘दाढीवाले साहेब’
सध्या दाढीवाले साहेब सूर्यराजेंच्या प्रत्येक फाईलवर डोळे झाकून सही करत आहेत. सूर्यराजेंनी विकासाची फाईल नेली, की दाढीवाले साहेब लगेच हिरवा कंदील दाखवत आहेत. सत्तेच्या केंद्रस्थानी असलेले dcmआता सूर्यराजेंना एवढी ताकद देत असल्यामुळे, फेसबुक पिंट्या साहेबांच्या सत्तेच्या खुर्चीला चांगलेच हादरे बसायला सुरुवात झाली आहे.
तात्पर्य:
फेसबुक पिंट्या साहेब, तुम्ही कितीही लाखो रुपयांची पॅकेजेस देऊन ‘फोटोशॉप’मधल्या विकासाच्या बातम्या छापून आणल्यात, तरी धाराशिवची जनता आता वेडी राहिलेली नाही. सूर्यराजेंच्या फाईल्स थेट ठाण्याहून पास होत आहेत आणि तुमचा विकास अजूनही थ्री-डी डिझाईनच्या सॉफ्टवेअरमध्येच अडकून पडला आहे.
जमिनीवर उतरा साहेब, कारण… “यह पब्लिक है, सब जाणती है!”
