धाराशिव – तालुक्यातील कोंड येथील एका शेतकरी महिलेची तब्बल २५,९०८ रुपयांची फसवणूक झाल्याची घटना समोर आली आहे. उमेश कवरसिंग राजपूत नावाच्या आरोपीने स्वाती सतिश राजपूत यांच्या शासकीय अनुदानाची रक्कम बँकेतून काढून त्यांची फसवणूक केल्याचा आरोप आहे.
स्वाती राजपूत यांना शासनाकडून पिक विमा, शेती अनुदान आणि पी.एम. किसान योजनेचे अनुदान मिळणे अपेक्षित होते. त्यासाठी त्यांनी संमतीपत्र तलाठी सज्जा कोंड यांच्याकडे दिले होते. मात्र, उमेश राजपूत याने त्या संमतीपत्राचा गैरवापर करून स्वाती राजपूत यांच्या महाराष्ट्र ग्रामीण बँक खात्यातून २५,९०८ रुपये काढले.
याप्रकरणी स्वाती राजपूत यांनी दिलेल्या तक्रारीवरून ढोकी पोलीस ठाण्यात उमेश राजपूत विरोधात भा.न्या.सं. कलम ३१८(४), ३३८, ३३६(४), ३४०(२) अन्वये गुन्हा दाखल करण्यात आला आहे.
