उमरगा – : बलसुर येथील 70 वर्षीय मलंग नजीर मुल्ला यांच्या घरात अज्ञात चोरट्यांनी घुसून 4 लाख 37 हजार 500 रुपये किमतीचे सोन्या-चांदीचे दागिने आणि रोख रक्कम लंपास केल्याची घटना 25 जुलैच्या रात्री घडली.
पोलिसांनी दिलेल्या माहितीनुसार, बुधवारी रात्री साडेबारा ते पावणे दोनच्या सुमारास चोरट्यांनी मुल्ला यांच्या घराच्या कुलूप तोडून आत प्रवेश केला. बेडरुममधील कपाटातील लॉकर फोडून 10 तोळे 3 ग्रॅम वजनाचे सोन्याचे दागिने, 50 तोळे चांदीचे दागिने आणि 50,000 रुपये रोख रक्कम चोरून नेली.जवळपास साडेचार लाखाचा ऐवज चोरीला गेला आहे.
मुल्ला यांनी गुरुवारी सकाळी उमरगा पोलीस ठाण्यात तक्रार दाखल केली. पोलिसांनी भारतीय दंड संहिता कलम 380 (चोरी), 454 (घरात बेकायदेशीर प्रवेश) अंतर्गत गुन्हा दाखल करून तपास सुरू केला आहे.
लोहाऱ्यात दुकानाची चोरी, ४ लाखांहून अधिक किमतीचा ऐवज लंपास
लोहारा – लोहारा येथील जेवळी रोडवरील सचिन स्टील सेंटर या दुकानाचे पत्रे उचकटून अज्ञात चोरट्याने ४ लाख २४ हजार १४५ रुपये किमतीचा माल चोरून नेल्याची घटना २३ जुलै रोजी रात्री घडली. दुकानातील तांबे, पितळ या धातूंच्या वस्तू आणि रोख रक्कम चोरीला गेली आहे. याप्रकरणी दुकानाचे मालक सचिन पुरुषोत्तम कुलकर्णी यांनी २५ जुलै रोजी लोहारा पोलीस ठाण्यात फिर्याद दिली. भारतीय दंड संहिता कलम ३८१ (१), ३०५ (ए) अन्वये गुन्हा दाखल करण्यात आला आहे. पोलिसांनी अधिक तपास सुरू केला आहे.
