तुळजापूर: तुळजापूर बसस्थानकावर एका महिलेच्या पर्समधून सोन्याचे दागिने आणि रोख रक्कम असा एकूण 1,31,500 रुपयांचा ऐवज चोरीला गेल्याची घटना घडली आहे. या घटनेची माहिती पोलिसांनी दिली आहे. पोलिसांनी अज्ञात व्यक्तीच्या विरोधात गुन्हा दाखल केला आहे.
या प्रकरणी बालाजी धनराज सुर्यवंशी (वय 36 वर्षे, रा. मातोळा ता. औसा जि. लातूर, ह.मु. पोलीस वसाहत 50/7 नायगाव दादर मुंबई) यांनी पोलिसात तक्रार दाखल केली आहे.
फिर्यादी बालाजी सुर्यवंशी हे त्यांची पत्नी आणि मुलांसोबत मातोळा येथे आपल्या गावी जात होते. तुळजापूर बसस्थानकावर लातूरला जाणाऱ्या बसमध्ये चढत असताना अज्ञात व्यक्तीने गर्दीचा फायदा घेऊन त्यांच्या पत्नीच्या पर्समधील 27 ग्रॅम वजनाचे सोन्याचे दागिने आणि 5,500 रुपये रोख रक्कम चोरून नेली.
तुळजापूर पोलिसांनी भारतीय दंड संहिता कलम 303 (2) अन्वये गुन्हा दाखल करून पुढील तपास सुरू केला आहे.
