कळंब – ईटकुर शिवारात अवैध गांजा लागवड करुन संवर्धन करणाऱ्या शेतकऱ्यावर कळंब पोलीसांची कारवाई करत , पाचशे किलो गांजा जप्त केला आहे. या गांजाची किंमत ६० लाख रुपये असून, याप्रकरणी गुन्हा दाखल करण्यात आला आहे.
कळंब पोलीस स्टेशनचे प्रभारी पोलीस निरीक्षक सुरेश साबळे यांना गोपनिय माहीती मिळाली की, इटकुर येथे एका शेतकऱ्याने त्याचे शेतात स्वता:च्या आर्थीक फायद्यासाठी विनापरवाना बेकायदेशिररित्या गांज्याच्या झाडांची लागवड करुन त्याचे संवर्धन व जोपासना करीत आहे.
याबाबत पोलीस अधीक्षक अतुल कुलकर्णी , अपर पोलीस अधीक्षकनवनीत काँवत व उपविभागीय पोलीस अधिकारी एम रमेश यांना रेड बाबत माहीती देवुन त्यांचे मार्गदर्शनाखाली कारवाई करणे कामी कळंब तहसील कार्यालयाचे सक्षम अधिकारी, कृषी विभागाचे अधिकारी यांना माहीती देवुन शासकीय पंचासह माहीतीच्या ठिकाणी छापा मारला असता, इटकुर शिवारात शेत गट नं 1201 मध्ये शेतकरी इसम नामे- दशरथ संपती काळे रा.इटकूर याने मकाच्या शेतात अवैध गांज्याचे झाडे लावुन त्याचे संवर्धन करीत असताना मिळुन आला.
त्याचे शेतातुन एकुण 500 किलो 500 ग्रॅम वजनाची ओलसर गांज्याची झाडे एकुण किंमत 60,06,000/- (साठ लाख सहा हजार रुपये) चा मुदेमाल जप्त करण्यात आला आहे. सदर शेतकरी यांचे विरुध्द कळंब पोलीस स्टेशन येथे गुरनं 476/2023 कलम 20 एन.डी.पी.एस. कायद्याप्रमाणे गुन्हा दाखल करण्यात आला आहे.
ही कारवाई पोलीस निरीक्षक सुरेश साबळे, सहाय्यक पोलीस निरीक्षक गणेश पाटील, हनुमंत कांबळे, पोहेकॉ/ सुनिल कोळेकर,बाळासाहेब तांबडे, चालक पोहेकॉ/ पांडुरंग माने, पोना/ दत्तात्रय शिंदे, अजिज शेख, शिवाजी राऊत, मपोना/ सविता कांबळे, पोअं/ भरत गायकवाड, करीम शेख, वैजिनाथ मोहीते, फुलचंद मुंढे, रणजित लांडगे, मपोअं/रोहीणी चव्हाण, चालक / पोअं/परमेश्वर मगनाळे यांच्या पथकाने केली .
