धाराशिव – तालुक्यातील करजखेडा येथे शेतजमिनीच्या वादातून एका ४० वर्षीय महिलेला शिवीगाळ करून लाथाबुक्क्यांनी व काठीने मारहाण करत जिवे मारण्याची धमकी दिल्याचा प्रकार उघडकीस आला आहे. याप्रकरणी पीडित महिलेच्या तक्रारीवरून बेंबळी पोलीस ठाण्यात तिघांविरुद्ध गुन्हा दाखल करण्यात आला आहे.
मिळालेल्या माहितीनुसार, फिर्यादी सुनिता महादेव लोखंडे (वय ४० वर्षे, रा. करजखेडा, ता. जि. धाराशिव) यांनी बेंबळी पोलीस ठाण्यात तक्रार दिली आहे. तक्रारीत म्हटल्याप्रमाणे, दि. २२ एप्रिल २०२५ रोजी सायंकाळी ७ वाजण्याच्या सुमारास करजखेडा चौरस्ता येथे आरोपी मधुकर नरहरी लोखंडे, बालाजी मधुकर लोखंडे आणि माधुरी बालाजी लोखंडे (सर्व रा. करजखेडा) यांनी शेतजमिनीच्या कारणावरून फिर्यादी सुनिता लोखंडे यांना शिवीगाळ केली. त्यानंतर त्यांना लाथाबुक्क्यांनी आणि काठीने मारहाण करून जखमी केले व जिवे ठार मारण्याची धमकी दिली, असा आरोप तक्रारीत करण्यात आला आहे.
सुनिता लोखंडे यांनी दि. २९ एप्रिल २०२५ रोजी दिलेल्या या तक्रारीवरून बेंबळी पोलिसांनी आरोपींविरुद्ध भारतीय न्याय संहिता कलम ११८(१), ११५(२), ३५२, ३५१(२)(३), ३(५) अन्वये गुन्हा नोंदवला आहे. बेंबळी पोलीस या प्रकरणाचा पुढील तपास करत आहेत.
