तुळजापूर: तालुक्यातील किलज आणि हगलूर गावासाठी किलज येथे तलाठी कार्यालय आहे. मात्र, सध्या कार्यरत असलेले तलाठी यांनी कार्यालयाचे कामकाज किलज येथील शासकीय कार्यालयाऐवजी तुळजापूर शहरात खासगी गाळा भाड्याने घेऊन तेथेच कामकाज करत आहेत. यामुळे शेतकऱ्यांना कामासाठी तुळजापूरला जावे लागत आहे. तलाठी यांचा शासकीय दुरध्वनी क्रमांक बंद असल्यामुळे त्यांच्याशी संपर्कही होत नाही.यामुळे शेतकऱ्यांना नाईलाजाने खासगी व्यक्तीशी संपर्क साधून कामे करावी लागत आहेत. या व्यक्तीकडून बरेच पैसे घेतले जात असल्याची तक्रार हगलूर येथील शेतकऱ्यांनी केली आहे.
तलाठयाच्या कारभारावर प्रश्नचिन्ह
तलाठींच्या कारभारावर आता प्रश्नचिन्ह उपस्थित होत आहे. शासकीय कार्यालयाऐवजी खासगी गाळ्यात कामकाज करणे हे बेकायदेशीर आहे. यामुळे शेतकऱ्यांची गैरसोय होत आहे आणि त्यांच्यावर आर्थिक बोझाही वाढत आहे.तहसीलदार आणि जिल्हाधिकारी यांनी या प्रकरणाची त्वरित चौकशी करून योग्य ती कारवाई करावी अशी मागणी ग्रामस्थांकडून केली जात आहे.
ठळक मुद्दे
- किलज आणि हगलूर गावासाठी किलज येथे तलाठी कार्यालय आहे.
- सध्या कार्यरत असलेले तलाठी हे तुळजापूर शहरात खासगी गाळा भाड्याने घेऊन तेथे कामकाज करत आहेत.यामुळे शेतकऱ्यांना कामासाठी तुळजापूरला जावे लागत आहे.
- तलाठी यांचा शासकीय दुरध्वनी क्रमांक बंद असल्यामुळे त्यांच्याशी संपर्कही होत नाही.
- किलज आणि हगलूर गावासाठी एकच कोतवाल आहे, तो हगलूर गावात कधीच येत नाही, त्याचे काम एक खासगी इसम करतो आणि शेतकऱ्यांची लूट करतो. हा खासगी व्यक्ती बरेच पैसे घेत असल्याची तक्रार हगलूर येथील शेतकऱ्यांनी केली आहे.
