पवनचक्कीचे पैसे मिळाले नाही म्हणून फिडर बंद पाडले

लोहारा :आरोपी नामे-उध्दव सोनबा देवकर(पाटील) रा. कार्ला ता. तुळजापूर जि. धाराशिव यांनी दि.24.02.2024 रोजी 18.55 वा. सु. हिप्परगा रवा येथे असलेल्या 132 केव्ही टोरंट पॉवर सबस्टेशनच्या आवारात कत्तीचा धाका दाखवून जबरदस्तीने कंट्रोल रुममध्ये जावून चालू असलेल्या विद्युत वाहिनींचे 4 फिडर बंद केले. पन्नास पवनचक्की प्रकल्प आपमर्जिने दादागिरी करुन बंद केले. व माझे राहिलेले दहा लाख रुपये दिले तरच फिडर चालू करु देईन अशी पैशाची मागणी करत तेथील स्टाफला मारहान करुन जिवे ठार मारण्याची धमकी दिली. अशा मजकुराच्या फिर्यादी नामे- अमोल रामचंद्र कुंभार, वय 40 वर्षे, व्यवसाय टोरंट पॉवर मॅनेजर जि. अहमदाबाद रा. ओमनगर धाराशिव यांनी दि.25.02.2024 रोजी दिलेल्या प्रथम खबरेवरुन लोहारा पो. ठाणे येथे कलम 452, 384, 323, 504, 506 भा.दं.वि.सं. सह 4/25 भारतीय हत्यार कायदा अन्वये गुन्हा नोंदवला आहे.

अपहरण

आंबी :आरोपी नामे-रंजित इटकर, 2) सुमित दुबळे, 3) अशोक इटकर, रा. सोनारी ता. परंडा, 4) विजय क्षिरसागर रा. आनाळा ता. परंडा जि. धाराशिव यांनी दि. 12.02.2024 रोजी 16.00 वा. सु. अनानळा शिवारात आंबीकडे जाणारे रोडने व दि. 25.02.2024 रोजी 11.00 वा. सु. हॉटेल साबळे आनाळा येथे फिर्यादी नामे- राहुल भाउ जाधव, वय 30 वर्षे, रा. आनाळा ता. परंडा जि. धाराशिव यांना नमुद आरोपींनी पिस्टलचा धाक दाखवून तुला मारण्याची सुपारी दिली आहे तु पाच लाख रुपये दे नाहीतर तुला मारुन टाकु असे म्हणून फिर्यादीस जबरदस्तीने गाडीवर बसवून घेवून गेले. अशा मजकुराच्या फिर्यादी नामे- राहुल जाधव यांनी दि.25.02.2024 रोजी दिलेल्या प्रथम खबरेवरुन आंबी पो. ठाणे येथे कलम 387, 365, 109, 34 भा.दं.वि.सं. अन्वये गुन्हा नोंदवला आहे.

फसवणूक

नळदुर्ग :आरोपी नामे-युनुस शेख रा. धाराशिव यांनी दि. 07.02.2024 रोजी 17.00 वा. सु बालाघाट शिक्षण संस्था महाविद्यालय समोर रोडवर नळदुर्ग येथे फिर्यादी नामे- तमीम सोहेब अहमद काझी, वय 26 वर्षे रा. काझी गल्ली नळदुर्ग ता. तुळजापूर जि. धाराशिव यांचा नमुद आरोपींनी विश्वास संपादन करुन गाडीचे ट्रायल मारायची आहे असे सांगुन परस्पर महिंद्र कंपीनीची एसयुव्ही 500 कार क्र एमएच 10 बीएफ 3949 ही फिर्यादीच्या परवानगी शिवाय विक्री करण्याचे उद्देशाने घेवून जावून फिर्यादीची फसवणुक केली. अशा मजकुराच्या फिर्यादी नामे- तमीम काझी यांनी दि.25.02.2024 रोजी दिलेल्या प्रथम खबरेवरुन नळदुर्ग पो. ठाणे येथे कलम 420, 406 भा.दं.वि.सं. अन्वये गुन्हा नोंदवला आहे.