धाराशिव: धाराशिव बसस्थानकावर एका ३५ वर्षीय व्यक्तीचा ८०,००० रुपये किमतीचा आयफोन १३ चोरीला गेल्याची घटना घडली आहे. ऋषिकेश देशपांडे हे २४ ऑक्टोबर रोजी दुपारी ३ वाजता बसस्थानकावर फोनवर बोलत उभे असताना आंध्र प्रदेशातील शेख रफीक शेख बाशा नावाच्या इसमाने त्यांचा मोबाईल जबरीने हिसकावून पळ काढला.
देशपांडे यांनी तात्काळ आनंदनगर पोलीस ठाण्यात तक्रार दाखल केली. पोलिसांनी त्यांच्या तक्रारीवरून भादंवि कलम ३९०(४) अन्वये गुन्हा दाखल करून तपास सुरू केला.
फिर्यादीने दिलेल्या माहितीच्या आधारे पोलिसांनी आरोपी शेख रफीकला ताब्यात घेतले. चौकशीदरम्यान त्याने गुन्हा कबूल केला आहे. पुढील तपास आनंदनगर पोलीस करत आहेत.
