मुरुम: मुरुम पोलीस ठाण्याच्या पथकाने कोथळी बेळंब रोडवर नकाबंदी दरम्यान एका स्विफ्ट डिझायर कारमधून अवैध गुटखा जप्त केला आहे. या कारमधून सुमारे 3 लाख रुपये किमतीचा प्रतिबंधित गोवा गुटखा आढळून आला.
कारचालक शेख तौफिक गणी शेख (वय 31, रा. अजमेर नगर, बीड) याला ताब्यात घेण्यात आले असून त्याच्याविरुद्ध गुन्हा दाखल करण्यात आला आहे. जप्त केलेल्या मुद्देमालाची एकूण किंमत 9 लाख रुपये असल्याचे सांगण्यात येत आहे.
पोलीस अधीक्षक संजय जाधव, अपर पोलीस अधीक्षक गौहर हसन यांच्या मार्गदर्शनाखाली उपविभागीय पोलीस अधिकारी शेलार, पोलीस ठाण्याचे प्रभारी सहाय्यक पोलीस निरीक्षक दहिफळे, पोलीस उपनिरीक्षक गाडेकर, पोलीस अंमलदार तोरंबे, लोंढे, राठोड यांच्या पथकाने ही कारवाई केली.
