नळदुर्ग: नळदुर्गजवळ टमटम आणि कारची समोरासमोर धडक होऊन भीषण अपघात झाला. या अपघातात ७५ वर्षीय वृद्ध महिलेचा मृत्यू झाला असून १२ जण जखमी झाले आहेत.
सोजराबाई तिपण्णा उर्फ शिवप्पा कोराळे (वय ७५ वर्षे) आणि रागिणी अरुण हावळे (वय ३२ वर्षे, रा. जेवळी, ता. लोहारा, जि. धाराशिव) यांच्यासह १३ जण टमटम क्रमांक एमएच २५ एम ६७६ ने प्रवास करत होते. कचरा डेपो वसंतनगर नळदुर्ग ते तुळजापूर रस्त्यावर कार क्रमांक केए ०३ एमआर ०४४१ चा चालक सतिश शामण्णा (रा. कामठाणा, ता. जि. बिदर) याने चुकीच्या दिशेने भरधाव वेगाने कार चालवत असताना समोरून येणाऱ्या टमटमला जोरदार धडक दिली.
या अपघातात सोजराबाई कोराळे या गंभीर जखमी झाल्या. त्यांना तातडीने रुग्णालयात दाखल करण्यात आले, परंतु उपचारादरम्यान त्यांचा मृत्यू झाला. रागिणी हावळे आणि इतर ११ प्रवासी किरकोळ ते गंभीर जखमी झाले आहेत.
मयत नामे-सोजराबाई तिपण्णा उर्फ शिवप्पा कोराळे, वय 75 वर्षे, व सोबत फिर्यादी जखमी नामे-रागिणी अरुण हावळे, वय 32 वर्षे, रा. जेवळी ता. लोहारा जि. धाराशिव व इतर 11 इसम हे .टमटम क्र एमएच 25 एम 676 मधून जात होते. दरम्यान कचरा डेपो वसंतनगर नळदुर्ग ते तुळजापूर रोडवर कार क्र केए 03 एमआर 0441 चा चालक नामे- सतिश शामण्णा रा. कामठाणा ता. जि. बिदर यांनी त्यांचे ताब्यातील कार ही हायगयी व निष्काळजीपणे चुकीच्या दिशेने चालवून टमटमला समोरुन धडक दिली.
या अपघातात सोजराबाई कोराळे या गंभीर जखमी होवून मयत झाल्या. तर रागिणी हावळे व इतर इसत हे किरकोळ व गंभीर जखमी झाले. अशा मजकुराच्या फिर्यादी नामे- रागिणी हावळे यांनी दि.10.10.2024 दिलेल्या प्रथम खबरेवरुन नळदुर्ग पो ठाणे येथे भा.न्या.सं. कलम 281,125(अ), 125(ब), 106 सह कलम 184 मोवाका अन्वये गुन्हा नोंदवला आहे.
