पुणे: एमपीएससी परीक्षेची (MPSC) तयारी करणाऱ्या एका तरुण विद्यार्थ्याने आर्थिक अडचणीला कंटाळून पुण्यात टोकाचे पाऊल उचलत आत्महत्या केल्याची दुर्देवी घटना घडली आहे. प्रथमेश दिलीप देशमुख (वय वर्ष अंदाजे तरुण, मूळ रा. खासापुरी, ता. परंडा, जि. धाराशिव) असे आत्महत्या केलेल्या दुर्दैवी तरुणाचे नाव आहे.
प्रथमेश पुण्यात रहकर MPSC परीक्षेचा अभ्यास करत होता. मात्र, डोक्यावर असलेल्या कर्जाचा डोंगर आणि आर्थिक चणचण यामुळे तो प्रचंड तणावात होता. प्राथमिक माहितीनुसार, त्याच्यावर सुमारे अडीच लाखांचे कर्ज असल्याचे समोर आले आहे. या आर्थिक विवंचनेतूनच त्याने हे टोकाचे पाऊल उचलल्याचे बोलले जात आहे.
याप्रकरणी पुण्यातील नारायण पेठ पोलीस चौकीत नोंद करण्यात आली असून पोलीस पुढील कायदेशीर तपास करत आहेत. आर्थिक ताणामुळे स्पर्धा परीक्षा करणाऱ्या एका होतकरू तरुणाने जीवन संपवल्यामुळे परंडा तालुका आणि धाराशिव जिल्ह्यात हळहळ व्यक्त होत आहे.
