शिराढोण – शिराढोण पोलीस ठाण्याच्या हद्दीत एका 24 वर्षीय महिलेवर लैंगिक अत्याचार झाल्याची धक्कादायक घटना उघडकीस आली आहे. पीडित महिलेने दिलेल्या तक्रारीनुसार, 15 जानेवारी 2025 रोजी रात्री 12 वाजताच्या सुमारास गावातील एका तरुणाने तिला तिच्या घरातून बळजबरीने मोटरसायकलवर बसवून शेतात नेले आणि तिच्यावर लैंगिक अत्याचार केला.
आरोपीने महिलेला या घटनेबाबत कोणालाही सांगितल्यास जीवे मारण्याची धमकी दिली. तसेच, महिलेच्या नवऱ्याला “तू माझ्या मागे लागून आली आहेस” असे सांगून तिची बदनामी करण्याची धमकी दिली.
पीडित महिलेने 4 फेब्रुवारी 2025 रोजी शिराढोण पोलीस ठाण्यात या घटनेची प्रथम खबर दिली, ज्यावरून भारतीय दंड संहिता कलम 376, 354 (2) अन्वये गुन्हा दाखल करण्यात आला आहे. मात्र, अद्याप आरोपी तरुणाचा शोध लागलेला नाही. शिराढोण पोलीस पुढील तपास करत आहेत.
