मुरुम : यशवंत नगर येथील तीन आरोपींनी लाडाप्पा कालेकर यांना काढून का दिले या कारणावरून सिद्राम ख्याडे यांना धारदार शस्त्राने वार करून गंभीर जखमी केल्याची घटना ९ सप्टेंबर रोजी रात्री साडे दहा वाजता मुरुम बस्थानक परिसरात घडली. या प्रकरणी मुरुम पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी शिवरात उर्फ खंडू हनुमंत मंटगे, बसवराज हनुमंत मंटगे आणि इराण्णा आप्पाराव गुंडगुळे यांनी सिद्राम ख्याडे यांना लाडाप्पा कालेकर यांना काढून का दिले या कारणावरून जीवे मारण्याच्या उद्देशाने धारदार शस्त्राने हल्ला केला. या हल्ल्यात ख्याडे गंभीर जखमी झाले असून त्यांनी दिलेल्या फिर्यादीनुसार मुरुम पोलीस ठाण्यात गुन्हा नोंदवण्यात आला आहे.
