शिराढोण – शिराढोण पोलीस ठाण्याच्या हद्दीत एका निष्काळजीपणे चालवलेल्या मोटरसायकलमुळे झालेल्या अपघातात एकाचा मृत्यू झाला. या प्रकरणी पोलिसांनी आरोपीविरुद्ध गुन्हा दाखल केला आहे.
मिळालेल्या माहितीनुसार, हनुमंत रामराव माने (रा. आरणवाडी, ता. धारुर, जि. बीड) व त्यांचा सोबती हनुमंत असंबर उर्फ आसाराम उर्फ अशोक मायकर (वय 35, रा. जहागीर मोहा, ता. धारुर, जि. बीड) हे दोघे भाटशिरपुरा फाटा, ढोकी ते कळंब रोडवरून मोटरसायकल (क्र. MH 44 AA 6016) वर प्रवास करत होते.
दरम्यान, हनुमंत माने यांनी मोटरसायकल निष्काळजीपणे आणि भरधाव चालवल्याने मागे बसलेले हनुमंत मायकर रस्त्यावर पडले. या अपघातात त्यांना गंभीर दुखापत झाली आणि त्यांचा मृत्यू झाला.
या प्रकरणी मयताच्या पत्नी कीर्ती हनुमंत मायकर (वय 35, रा. जहागीर मोहा, ता. धारुर, जि. बीड) यांनी दि. 25 फेब्रुवारी 2025 रोजी शिराढोण पोलीस ठाण्यात फिर्याद दिली. त्यानुसार, भारतीय दंड संहितेच्या कलम 281, 125(अ), 125(ब), 106 तसेच मोटार वाहन कायद्याच्या कलम 184 अन्वये गुन्हा दाखल करण्यात आला आहे. या घटनेचा पुढील तपास शिराढोण पोलीस करत आहेत.
