ढोकी – एका गावातील २४ वर्षीय मुलीला लग्नाचे आमिष दाखवून दोन तरुणांनी गेल्या अडीच वर्षांपासून वेगवेगळ्या ठिकाणी नेऊन तिच्यावर लैंगिक अत्याचार केल्याची धक्कादायक घटना उघडकीस आली आहे. पीडित मुलीने याबाबत ढोकी पोलीस ठाण्यात तक्रार दाखल केल्यानंतर पोलिसांनी दोन्ही आरोपींविरुद्ध गुन्हा दाखल केला आहे.
पीडित मुलगी एप्रिल २०२१ पासून एकटी घरी असताना गावातील दोन तरुणांनी तिला लग्नाचे आमिष दाखवून तिच्यावर अत्याचार केला. याबाबत कुणाला काही सांगितल्यास जीवे मारण्याची धमकीही त्यांनी दिली. अखेर पीडित मुलीने धाडस करून २४ ऑक्टोबर २०२४ रोजी ढोकी पोलीस ठाण्यात तक्रार दाखल केली.
पोलिसांनी पीडित मुलीच्या तक्रारीवरून भारतीय न्याय संहिता कलम ६४(२)(एम), ६९, ३१८(२), ७५(२), ३(५) सह कलम ३(१)(डब्ल्यु) (i) (ii), ३(२)(व्ही) अन्वये गुन्हा दाखल केला आहे.
पोलिसांनी दिलेल्या माहितीनुसार, पीडित मुलीचे नाव आणि गाव हे गोपनीय ठेवण्यात आले आहे. पुढील तपास सुरू आहे.
