धाराशिव | धाराशिव येथील ज्येष्ठ चित्रकार (पेंटर) अब्दुल सत्तार शेख यांच्या पत्नी तथा स्थानिक पत्रकार जब्बार भाई यांच्या मातोश्री खैरुन्निसा अ. सत्तार शेख यांचे आज वयाच्या 87 व्या वर्षी दुःखद निधन झाले. त्यांच्या निधनाची बातमी समजताच पत्रकार, सामाजिक, सांस्कृतिक आणि विविध क्षेत्रातील नागरिकांकडून हळहळ व्यक्त करण्यात येत आहे.
खैरुन्निसा शेख या प्रेमळ, मनमिळावू आणि वात्सल्यमूर्ती म्हणून परिचित होत्या. त्यांनी आपल्या कुटुंबाला संस्कार, प्रेम आणि आपुलकीची शिकवण दिली. त्यांच्या पश्चात सहा मुले, तीन मुली, सुना, जावई, नातवंडे असा मोठा परिवार आहे.
त्यांच्या निधनामुळे शेख परिवारावर दुःखाचा डोंगर कोसळला असून, कुटुंबाने एक प्रेमळ मातृछत्र गमावले आहे.
धाराशिव Live परिवाराकडून दिवंगत आत्म्यास भावपूर्ण श्रद्धांजली अर्पण करण्यात येत असून, पत्रकार जब्बार भाई आणि शेख कुटुंबीयांना हे दुःख सहन करण्याची शक्ती लाभो, अशी ईश्वरचरणी प्रार्थना.
