धाराशिव शहरात २ अवैध जुगार अड्ड्यांवर पोलिसांची मोठी कारवाई!

धाराशिव: धाराशिव शहर पोलीस ठाण्याच्या हद्दीत अवैध धंद्यांविरुद्ध पोलिसांनी विशेष मोहीम उघडली असून, शुक्रवारी (२४ जुलै २०२६) दोन वेगवेगळ्या ठिकाणी धाडी टाकून ‘कल्याण मटका’ चालवणाऱ्या व खेळणाऱ्या एकूण १५ इसमांवर कायदेशीर कारवाई करण्यात आली आहे. या कारवाईत पोलिसांनी मटक्याचे साहित्य, ३ मोबाईल आणि रोख रक्कमेसह हजारोंचा मुद्देमाल जप्त केला आहे.

१. पहिली कारवाई: सांजावेस गल्ली (देशपांडे स्टँडजवळ, तुळजापूर रोड)

गुप्त बातमीदारामार्फत मिळालेल्या माहितीच्या आधारे प्रशिक्षणार्थी पोलीस उपअधीक्षकअमोल मोहिते साहेब व पोलीस निरीक्षक  कुमार दराडे  यांच्या पोलीस पथकाने २४ जुलै रोजी सायंकाळी ४:३० वाजण्याच्या सुमारास देशपांडे स्टँडजवळ, तुळजापूर रोडवरील ताज हॉटेलच्या समोर सांजा वेस गल्लीतील एका पत्राच्या शेडमध्ये धाड टाकली. तेथे जावेद शकील तांबोळी हा लोकांना बेकायदेशीरपणे मटका जुगार खेळवताना रंगेहात पकडला गेला.

• कारवाईतील आरोपी (१० जण):

  १) जावेद शकील तांबोळी (मुख्य आरोपी, रा. धाराशिव)

  २) सोहेल आयुक आत्तार (रा. धाराशिव)

  ३) मनोज अहमद शेख (रा. आंबेहोळ, ता. जि. धाराशिव)

  ४) दत्ता फुलचंद जाधव (रा. लामजन, ता. औसा, जि. लातूर)

  ५) बालाजी राजू शेळके (रा. धाराशिव)

  ६) दिलावर शमशोद्दीन भवरी (रा. धाराशिव)

  ७) राजू साहेबराव सरफाळे (रा. धाराशिव)

  ८) बालाजी मधुकर बोंदर (रा. धाराशिव)

  ९) अभिषेक बालाजी सूर्यवंशी (रा. धाराशिव)

  १०) नाना रामभाऊ ढोले (रा. धाराशिव).

• जप्त मुद्देमाल: मटका चिट्ट्या, रोख रक्कम आणि ३ मोबाईल हँडसेट (ओप्पो, व्हीवो, जिओ भारत) असा एकूण ५९,७०० रुपये किमतीचा मुद्देमाल पोलिसांनी जप्त केला.

२. दुसरी कारवाई: इंदिरा नगर (जे.के. पान टपरीच्या पाठीमागे)

दुसऱ्या कारवाईत पोलीस पथकाने सायंकाळी ५:१० वाजण्याच्या सुमारास इंदिरा नगर येथील जे. के. पानटपरीच्या पाठीमागील मोकळ्या जागेत धाड टाकली. तेथे आरोपी जाकेर तांबोळी हा लोकांना कल्याण मटका खेळवून कमी पैशात जास्त पैशांचे आमिष दाखवत होता. पोलिसांना पाहताच तो जुगाराची वही टाकून पसार झाला, तर जुगार खेळणारे ४ इसम जागेवरच पोलिसांच्या जाळ्यात सापडले.

• कारवाईतील आरोपी (५ जण):

  १) जाकेर तांबोळी (अड्डा चालवणारा – फरार)

  २) रवी सुरेश मंजुळे

  ३) सौदागर नागनाथ बामणे

  ४) विकास साहेबराव राठोड

  ५) सचिन रमेश शितोळे (सर्व रा. धाराशिव).

• जप्त मुद्देमाल: मटका जुगाराच्या सह्यांच्या चिठ्या, आकड्यांची पिवळी वही व रोख रक्कम असा एकूण १,६२० रुपये किमतीचा मुद्देमाल जप्त करण्यात आला.

धाराशिव शहर पोलिसांत गुन्हे दाखल

या दोन्ही कारवाईंप्रकरणी धाराशिव शहर पोलीस ठाण्यात संबंधित आरोपींविरुद्ध महाराष्ट्र जुगार कायदा कलम १२ (अ) अन्वये गुन्हे नोंदवण्यात आले आहेत.

वरिष्ठ अधिकाऱ्यांच्या मार्गदर्शनाखाली कारवाई

सदरची धडक कामगिरी धाराशिवच्या पोलीस अधीक्षक श्रीमती रितु खोखर मॅडम आणि अप्पर पोलीस अधीक्षक  सचिन पांडकर साहेब यांच्या मार्गदर्शनाखाली प्रशिक्षणार्थी पोलीस उपअधीक्षक अमोल मोहिते, पोलीस निरीक्षक कुमार दराडे, सहाय्यक पोलीस उपनिरीक्षक गजानन कन्हाळे (बकल नं. ३००), पोलीस अंमलदार कृष्ण गोपाळ गायकवाड (बकल नं. ६३६), योगेश साहेबराव कांबळे (बकल नं. ३२५), एस. बी. नाईकवाडी (बकल नं. २०४८), चालक पोलीस अंमलदार रनावरे (बकल नं. ४५६) व अमित वाघमारे (बकल नं. १८९८) यांच्या पथकाने यशस्वीरित्या पार पाडली.