भूम – फेरफारची संचिका गहाळ केल्याप्रकरणी तालुक्यातील चिंचोली येथील तात्कालीन तलाठी युवराज हाके यांच्या विरुद्ध गुन्हा दाखल करण्याचा आदेश भूम न्यायालयाने सोमवारी दि १५ रोजी भूम पोलिस ठाण्याच्या पोलिस निरिक्षक यांना दिला आहे.
भूम तालुक्यातील चिंचोली येथे २०१३ मध्ये तलाठी पदावर हाके कार्यरत होते , त्यावेळी अशोक सोपान जिंतपुरे रा भूम यांनी देवदत्त सुरेश नवले व अंजली सुरेश नवले यांच्या वतीन फेरफार करण्यासाठी अर्ज केला होता. ती फेरफार संचिका तलाठी हाके यांनी गहाळ केली अशी तक्रार फिर्यादी अजिंक्य बारगजे रा भूम तलाठी तहसिल जिल्हाधिकारी कार्यालयात दिली होती .
प्रशासनाने या तक्रारीची कसलिही दखल घेतली नाही त्यामुळे फिर्यादी बारगजे यांनी तलाठी हाके यांच्या विरोधात न्यायालयात धाव घेतली होती या प्रकरणाची सुनावनी न्यायधिश एस जे पाटील यांच्या समोर झाली . या प्रकरणी न्यायालयाने कागदपत्राची पडताळणी करुन हाके यांच्या विरुद्ध महाराष्ट्र सार्वजनिक अभिलेख अधिनियम २००५ नुसार गुन्हा दाखल करण्याचे भूम पोलिस निरिक्षक यांना आदेश दिले आहेत फिर्यादीच्या वतीन अँड धनंजय पाटील यांनी भक्कम बाजु मांडली
