तुळजापूर तालुक्यातील एका गावात 31 वर्षीय विवाहित महिलेवर लैंगिक अत्याचार झाल्याची धक्कादायक घटना समोर आली आहे. 4 ऑगस्ट 2024 रोजी रात्री 8 वाजण्याच्या सुमारास ही महिला नैसर्गिक विधीसाठी घराच्या पाठीमागे गेली होती. यावेळी गावातील एका तरुणाने अंधाराचा फायदा घेत तिच्यावर लैंगिक अत्याचार केला. जीवे मारण्याची धमकी दिल्याने घाबरलेल्या महिलेने या घटनेची तक्रार करण्यास उशीर केला.
7 ऑगस्ट रोजी पीडित महिलेने धैर्य एकवटून पोलिसांत धाव घेतली आणि आपल्यावर झालेल्या अत्याचाराची संपूर्ण हकीकत सांगितली. पीडित महिलेच्या फिर्यादीनुसार, संबंधित तरुणाविरुद्ध भारतीय दंड संहिता कलम 64(1), 351(3) अंतर्गत गुन्हा दाखल करण्यात आला आहे. पीडित महिलेचे नाव आणि गाव गोपनीय ठेवण्यात आले आहे.
या घटनेमुळे परिसरात भीतीचे वातावरण पसरले असून पोलिसांनी आरोपी तरुणाच्या शोधासाठी पथके रवाना केली आहेत. पीडित महिलेला वैद्यकीय तपासणीसाठी पाठवण्यात आले असून पुढील तपास सुरू आहे.
