उमरगा – गुंजोटी येथे एका तरुणास बेदम मारहाण करण्यात आली आहे. या प्रकरणी पोलिसांनी आठ जणांविरुद्ध गुन्हा दाखल केला आहे.
पोलिसांनी दिलेल्या माहितीनुसार, गुंजोटी येथील रहिवासी एजाज अब्दुल हक्क काझी (वय २८) यांना ६ सप्टेंबर २०२४ रोजी रात्री ९ वाजण्याच्या सुमारास गुंजोटी बाहेर पेठ येथे जब्बार शेख यांच्या किराणा दुकानासमोर आरोपींनी अडवले. “तू मला डोळे वटारून का पाहिलास?” असे म्हणत आरोपींनी एजाज यांना शिवीगाळ करून लाथाबुक्क्यांनी, हंटर व बेल्टने मारहाण केली. या हल्ल्यात एजाज गंभीर जखमी झाले.
एजाज यांनी ७ सप्टेंबर रोजी उमरगा पोलीस ठाण्यात दिलेल्या फिर्यादीवरून पोलिसांनी धीरज देशमुख, योगेश साखरे, आकाश देशमुख, धीरज कारभारी, सुरज देशमुख, प्रद्युन गंगाधर म्हेत्रे, बाळु व्यंकट पाटील, विशाल कारभारी (सर्व रा. गुंजोटी) या आठ जणांविरुद्ध भादंवि कलम १८९(२), १९१(२), १९१(३), १९०, ११५(२), ११८(१), ३५२, न्वये अंतर्गत गुन्हा दाखल केला आहे.पोलिस या प्रकरणाचा अधिक तपास करत आहेत.
