धाराशिव : जिल्ह्यातील चार विधानसभा मतदारसंघांमध्ये आज, मंगळवार २२ ऑक्टोबर रोजी निवडणुकीसाठी अर्ज दाखल करण्याचा पहिला दिवस होता. मात्र, आज एकाही उमेदवाराने आपला अर्ज दाखल केलेला नाही. धाराशिव जिल्ह्यात उमरगा (२४०), तुळजापूर (२४१), उस्मानाबाद (२४२), आणि परंडा (२४३) असे चार विधानसभा मतदारसंघ येतात.
आजच्या दिवशी, जिल्ह्यात एकूण ९९ इच्छूक उमेदवारांनी २१४ अर्जांची खरेदी केली. यामध्ये उमरगा विधानसभा मतदारसंघासाठी १९ इच्छुकांनी ३५ अर्ज, तुळजापूरसाठी २८ जणांनी ७३ अर्ज, उस्मानाबादसाठी २७ जणांनी ५२ अर्ज, आणि परंडा विधानसभा मतदारसंघासाठी २५ जणांनी ५४ अर्ज खरेदी केले आहेत.
निवडणूक आयोगाने जाहीर केलेल्या कार्यक्रमानुसार, निवडणुकीसाठी अधिसूचना २२ ऑक्टोबर रोजी जाहीर झाली असून अर्ज दाखल करण्याची अंतिम तारीख २९ ऑक्टोबर आहे. नामांकन अर्जांची छाननी ३० ऑक्टोबर रोजी होणार असून, अर्ज मागे घेण्याची अंतिम तारीख ४ नोव्हेंबर आहे. मतदान २० नोव्हेंबर रोजी होणार असून, मतमोजणी २३ नोव्हेंबर २०२४ रोजी होणार आहे.
