आंबी: वाटेफळ येथे शेतजमिनीच्या वादातून झालेल्या मारहाणीत एक महिला गंभीर जखमी झाल्याची घटना घडली आहे. या प्रकरणी आंबी पोलीस ठाण्यात तीन जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, सावित्रा हनुमंत भांडवलकर (वय ६०, रा. वाटेफळ) यांना शिवाजी भगवान भांडवलकर, संगीता शिवाजी भांडवलकर आणि विशाल शिवाजी भांडवलकर (सर्व रा. वाटेफळ) यांनी शेतीला पाणी देण्याच्या कारणावरून शिवीगाळ करत लाथाबुक्यांनी मारहाण केली. तसेच त्यांना दगडाने मारहाण करून ढकलून दिले. यात सावित्रा भांडवलकर यांचा डावा हात फ्रॅक्चर झाला असून त्या गंभीर जखमी झाल्या आहेत. हनुमंत भांडवलकर यांनाही शिवीगाळ करून लाथाबुक्यांनी मारहाण करण्यात आली आणि जिवे मारण्याची धमकी देण्यात आली.
या प्रकरणी सावित्रा भांडवलकर यांनी दिलेल्या फिर्यादीवरून आंबी पोलीस ठाण्यात भादंवि कलम १२५(ब), ११८(१), ११५, ३५२, ३५१(२), ३५१(३), ३(५) अन्वये गुन्हा दाखल करण्यात आला आहे.
येरमाळा: येरमाळा तालुक्यातील वडजी येथे कोर्टाची नोटीस पाठवल्याच्या कारणावरून एका महिलेला मारहाण करण्यात आल्याची घटना घडली आहे. या प्रकरणी येरमाळा पोलीस ठाण्यात १७ जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, बाहुबाई निवृत्ती जाधवर (वय ५२, रा. वडजी) यांना पल्लवी विशाल जाधवर, पोपट हांगे, सिता हांगे, फुलचंद बाबासाहेब हांगे, चंदु सुभानराव हांगे, नितीन आक्रुड हांगे, पोपट हांगे, गणेश हांगे, भागाबाई हांगे, सुदामती हांगे, बाळासाहेब हांगे, योगेश उर्फ गजानन हांगे, रोहीत हांगे, किशोर हांगे (सर्व रा. हांगेवाडी, ता. केज, जि. बीड), बबन ढाकणे (रा. ढाकणेवाडी, ता. केज, जि. धाराशिव) आणि इतर १५ जणांनी कोर्टाची नोटीस पाठवल्याच्या कारणावरून गैरकायद्याची मंडळी जमवून शिवीगाळ करत लाथाबुक्यांनी व दगडाने मारहाण केली. तसेच फिर्यादीचा मुलगा विशाल जाधवर यालाही शिवीगाळ करून मारहाण करण्यात आली आणि जिवे मारण्याची धमकी देण्यात आली.
या प्रकरणी बाहुबाई जाधवर यांनी दिलेल्या फिर्यादीवरून येरमाळा पोलीस ठाण्यात भादंवि कलम ११८(१), ११५(२), ३५२, ३५१(२), ३५१(३), १८९(२), १९१(१), १९० अन्वये गुन्हा दाखल करण्यात आला आहे.
