उमरगा – श्रीकृष्ण महाविद्यालय गुंजोटी येथील गेट समोर एका तरुणाला मागील भांडणाच्या कारणावरून काही जणांनी बेदम मारहाण केल्याची घटना दि. ३० डिसेंबर २०२४ रोजी दुपारी ३ वाजता घडली.
विशाल सुरेश गायकवाड (वय २२, रा. औराद) या तरुणाला अंकुश टाकळे, प्रमोद पाटोळे, रोहित घोडके, गंगाधर स्वामी, रोहन थोरात, मनोज कारभारी, विक्रांत गायकवाड, आकाश पात्रे (सर्व रा. गुंजोटी) यांनी गैरकायद्याची मंडळी जमवून शिवीगाळ केली. तसेच लाथाबुक्यांनी, हंटर, रॉड व चाकूने मारहाण करून जखमी केले.
या भांडणात विशालचे मित्र शशीकांत व सोनू हे मध्यस्थी करण्यासाठी आले असता त्यांनाही या टोळक्याने हंटर व चाकूने मारहाण करून जिवे मारण्याची धमकी दिली.
विशाल गायकवाड यांनी दिलेल्या फिर्यादीवरून उमरगा पोलीस ठाण्यात आरोपींविरुद्ध भादंवि कलम १८९(२), १९०, १९१(२), १९१(३), ११८(१), ११५(२), ३५२, ३५१(२), ३५१(३) अन्वये गुन्हा दाखल करण्यात आला आहे.
