बेंबळी : पाडोळी येथील हणमंत वाघमोडे यांनी पानटपरी उघडल्याच्या कारणावरून त्यांना शिवाजी कांबळे, बिभीषन मिसाळ, बंडू कांबळे आदी १३ जणांनी मारहाण केल्याची घटना १८ ऑगस्ट रोजी घडली. या प्रकरणी बेंबळी पोलीस ठाण्यात गुन्हा दाखल करण्यात आला आहे.
फिर्यादी हणमंत वाघमोडे यांनी दिलेल्या माहितीनुसार, आरोपींनी त्यांना ‘आम्ही गाव बंद ठेवले आहे, तू पानटपरी उघडतो का?’ अशी धमकी दिली आणि लाथाबुक्क्यांनी, पाईपने मारहाण करून जखमी केले. या घटनेनंतर वाघमोडे यांनी १९ ऑगस्ट रोजी बेंबळी पोलीस ठाण्यात तक्रार दाखल केली.
पोलिसांनी या प्रकरणी शिवाजी कांबळे, बिभीषन मिसाळ, बंडू कांबळे आदी १३ जणांविरुद्ध भादंवि कलम ११८(१), ११५(२), ३५२, ३५१(२), १८९(२), १९१(२), १९१(३), १९० सह मपोका कलम १३५ अन्वये गुन्हा नोंदवला आहे.
